الشرح

Nabiyyiin, nagaa fi rahmatni irra haa jiraatu, namni bulchitootaaf ajajamuu dide, garee Islaamaa Imaamaaf amanamummaa galan irraa adda bahe, haala addaan bahuu fi ajajamuu diduu sana keessatti kan du'e, du'a namoota wallaalummaa kan itti gaafatamaa isaanitiif hin ajajamnee fi kan garee tokkotti hin makamne, inumaayyuu isaan gare garee fi baandaa wal lolan kan ta'an akka du'a ibsan. 253 Akkasumas Nabiyyiin nagaa fi rahmanni irra haa jiraatuu, namni alaabaa isa keessatti dhugaa fi soba adda baasuu hin dandeenye jalatti qabsaa'u, amantii fi dhugaa deeggaruuf osoo hin taane, Hubannoo fi beekumsa malee kan ka'ee lolu, yoo haala kanaan du'e tahe akka warra wallaalummaatti akka du'etti lakkaa'ama jechuu himan. Akkasumas Namni ummat isaanii -nagaa fi rahmatni irra haa jiraatuu- irratti fincilee qajeelaa ummatichaati fi nama safuu hin qabne rukutee, waan hojjeteef dhimma kan hin qabnee fi mu'umina ajjeessuun adabbii hin sodaanne, waadaa ummata kaafiraa fi warra aangoo qabaniif kan hin guunne, inumaayyuu kan waadaa san diigu yoo ta'e, kun dilii gurguddaa irraa lakkaa'ama, namni isa raawwatees kan doorsisa hamaa akka haqa godhatu ta'uu himan.