إعدادات العرض
Оё медонед ғайбат чист?" Гуфтанд: Аллоҳ ва Паёмбараш огоҳтаранд. Гуфт: "Бародаратро ба ончи, ки дӯст надорад ёд кунӣ
Оё медонед ғайбат чист?" Гуфтанд: Аллоҳ ва Паёмбараш огоҳтаранд. Гуфт: "Бародаратро ба ончи, ки дӯст надорад ёд кунӣ
Аз Абуҳурайра (Худованд аз ӯ розӣ бод) ривоят аст, ки Паёмбар (Салому дуруди Аллоҳ бар ӯ бод) фармуд: "Оё медонед ғайбат чист?" Гуфтанд: Аллоҳ ва Паёмбараш огоҳтаранд. Гуфт: "Бародаратро ба ончи, ки дӯст надорад ёд кунӣ" Гуфтанд: агар ончи мегӯям дар бародарам бошад чӣ? Гуфт: "Агар ончи мегӯи дар ӯ бошад, ӯро ғайбат кардаи ва агар ончи мегӯи дар ӯ набошад бар ӯ тӯҳмат задаи".
الترجمة
عربي বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Kurdî Hausa Português മലയാളം తెలుగు Kiswahili தமிழ் မြန်မာ Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Yorùbá Nederlands ئۇيغۇرچە සිංහල ไทย دری ff hu it kn Кыргызча Lietuvių or ro rw Soomaali Српски uz mos नेपालीالشرح
Паёмбар (Салому дуруди Аллоҳ бар ӯ бод) ҳақиқати ғайбати ҳаромро баён фармуда мегӯянд, ки он: зикр кардани як мусалмон дар ғоиб аз чизе, ки дӯст надорад аст, чи аз сифатҳои марбут ба тан ва чеҳраи ӯ бошад ва ё марбут ба равиш ва ахлоқи ӯ, ба монанди: кӯр, кӯтоҳ ва ё фиребгар ва дурӯғгӯ ва ё дигар хислатҳои нописанд, агарчи хислатҳои мазкур дар ӯ бошанд. Аммо агар сифатҳои мазкур дар ӯ набошад, пас он бадтар аз ғайбат аст, ки ба он бӯҳтон гуфта мешавад, яъне: тӯҳмат задан ба инсон ба ончи ки дар ӯ нест.فوائد الحديث
Паёмбар (Салому дуруди Аллоҳ бар ӯ бод) ба як равиши нек таълим медоданд, ба гунае, ки масъалаҳоро ба шеваи пурсиш баён мефармуданд.
Адаб ва рафтори неки саҳобагон дар баробари Паёмбар (Салому дуруди Аллоҳ бар ӯ бод), чунончи дар посух гуфтанд: Худо ва Паёмбараш беҳтар медонанд.
Шахсе чун дар мавриди чизе, ки намедонад пурсида шавад, мегӯяд: Аллоҳу Аълам (Худо беҳтар медонад).
Ҳифзи қавонини шариъат марбут бо ҳифзи ҳуқуқ ва бародарӣ дар ҷомеа аст.
Ғайбат кардан ҳаром аст, магар дар баъзе аз маворид, ки барои маслиҳати ҷомеа аст, аз ҷумла: дафъи зулм, чунончи шахси мазлум назди касе, ки тавони дафъи зулм ва гирифтани ҳаққи ӯро дорад меравад ва мегӯяд: фалонӣ бар ман зулм кард, ё фалон чунин кореро дар ҳаққи ман кардааст. Ё машварат ва маслиҳат дар мавриди ақди никоҳ, шарикӣ дар мол ва тиҷорат ва ё дар мавриди ҳамсоядорӣ бошад.
التصنيفات
Одоби сухан ва хомушӣ