إعدادات العرض
Manatili ka ayon sa tagal ng dating paghahadlang sa iyo ng pagreregla mo, pagkatapos maligo ka
Manatili ka ayon sa tagal ng dating paghahadlang sa iyo ng pagreregla mo, pagkatapos maligo ka
Ayon kay `Ā'ishah na ina ng mga mananampalataya (malugod si Allāh sa kanya) na nagsabi: "Tunay na si Ummu Ḥabībah bint Jaḥsh na noon ay maybahay ni `Abdurraḥmān bin `Awf ay dumaing sa Sugo ni Allāh (basbasan siya ni Allāh at pangalagaan) ng pagdurugo. Kaya naman nagsabi siya rito: "Manatili ka ayon sa tagal ng dating paghahadlang sa iyo ng pagreregla mo, pagkatapos maligo ka." Kaya siya noon ay naliligo sa sandali ng bawat ṣalāh."}
الترجمة
العربية বাংলা Bosanski English Español فارسی Français Bahasa Indonesia Русский Türkçe اردو 中文 हिन्दी Hausa Kurdî Português සිංහල Svenska ગુજરાતી Yorùbá ئۇيغۇرچە Tiếng Việt Kiswahili پښتو অসমীয়া دری or Čeština नेपाली Română Nederlands Soomaali Кыргызча తెలుగు Српски മലയാളം Kinyarwanda ಕನ್ನಡ Lietuvių Wolof Magyar ქართული Moore Українська Македонски Azərbaycan Malagasy Shqip Oromoo ไทย Deutsch मराठी ਪੰਜਾਬੀ አማርኛ O‘zbek Italiano ភាសាខ្មែរالشرح
Dumaing ang isa sa mga Babaing Kasamahan ng Propeta (basbasan siya ni Allāh at pangalagaan) ng pagpapatuloy ng paglabas ng dugo sa kanya. Kaya nag-utos ito sa kanya na huminto siya sa pagsasagawa ng ṣalāh ayon sa tagal ng dating paghahadlang sa kanya ng pagreregla niya bago ng paglabas nitong bagay na nataon sa kanya. Pagkatapos maliligo siya at magsasagawa ng ṣalāh kaya naman siya noon ay naliligo nang kusang-loob sa bawat ṣalāh.فوائد الحديث
Ang istiḥāḍah ay na magpatuloy sa babae ang paglabas ng dugo matapos ng mga araw ng regla niyang kinahiratian.
Ang may istiḥāḍah ay magtuturing sa sarili niya bilang nagreregla sa bilang ng mga araw na dinadatnan siya ng regla bago dumapo sa kanya ang dumapo sa kanya na istiḥāḍah.
Kapag lumipas ang bilang ng mga araw ng orihinal na period niya, tunay na siya ay magtuturing na dalisay sa regla – kahit pa man ang dugo ng istiḥāḍah ay nasa kanya pa – saka maliligo mula sa pagreregla.
Ang may istiḥāḍah ay hindi kinakailangan sa kanya ang pagpaligo sa bawat ṣalāh dahil ang pagpaligo ng babaing nabanggit sa ḥadīth (malugod si Allāh sa kanya) ay isang pagkukusa mula sa kanya. Kung sakaling ito ay naging kinakailangan, talaga sanang naglinaw nito sa kanya ang Sugo ni Allāh (basbasan siya ni Allāh at pangalagaan).
Ang may istiḥāḍah ay inoobliga na magsagawa ng wuḍū' para sa bawat ṣalāh dahil ang ḥadath niya ay palagi, na hindi napuputol. Ang tulad niya ay ang bawat sinumang ang ḥadath ay palagi, gaya ng nagdaranas ng kawalan ng pagpigil sa pag-ihi o ng nagpapatuloy na paglabas ng utot.
Ang pagtatanong sa mga may kaalaman tungkol sa isinusuliranin sa mga nauukol sa Relihiyon yayamang ang babaing ito ay dumaing sa Propeta (basbasan siya ni Allāh at pangalagaan) at nagtanong dito tungkol sa dami ng pagdurugo
na dinaranas niya.