الشرح

Tinanong ni Salamah bin Yazīd Al-Ju`fīy ang Sugo ni Allāh, pagpalain siya ni Allāh at pangalagaan, tungkol sa mga pinunong humihiling ng karapatan nilang dinggin at talimain sila ngunit sila naman ay nagkakait ng karapatan sa kanila: hindi nila ibinibigay sa mga tao ang karapatan ng mga ito, inaapi nila ang mga ito, at sinusolo nila ang karapatan laban sa mga ito. Umiwas ang Propeta, pagpalain siya ni Allāh at pangalagaan. Para bang kinasusuklaman niya, pagpalain siya ni Allāh at pangalagaan, ang mga usaping ito at kinasusuklaman niyang buksan ang paksang ito, ngunit inulit ng nagtatanong iyon at tinanong [muli] siya. Ipinag-utos ng Propeta, pagpalain siya ni Allāh at pangalagaan, na ibigay natin sa kanila ang karapatan nila, at na ukol sa kanila ang iniatang sa kanila at ukol sa atin ang iniatang sa atin. Tayo ay iniatang sa atin ang makinig at ang tumalima at sila ay inatangang mamuno sa atin ayon sa katarungang, na hindi sila mang-aapi ng isa man, na ipatutupad nila ang mga patakaran ni Allāh sa mga lingkod ni Allāh, na ipatutupad nila ang Batas ni Allāh sa Lupa ni Allāh, at na makikibaka sila laban sa mga kaaway ni Allāh.