Ayon kay Abū Mūsā Al-Ash`arīy, malugod si Allah sa kanya: "O Allah, patawarin Mo ako sa pagkakamali ko, kamang-mangan ko, pagmamalabis ko sa nauukol sa akin, at anumang Ikaw ay higit na nakaaalam niyon kaysa sa akin. O Allah, patawarin Mo ako sa dibdibang kasalanan ko at pabirong kasalanan ko, at sa pagkakamali ko at sinasadya ko. Lahat ng iyon ay sa akin. O Allah, patawarin mo ako sa anumang kasalanang ipinauna ko at ipinahuli ko, anumang inilihim ko at anumang inihayag ko, at anumang Ikaw ay higit na nakaaalam niyon kaysa sa akin. Ikaw ang nagpapauna at Ikaw ang nagpapahuli. Ikaw sa bawat bagay ay nakakakaya."