إعدادات العرض
Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã
Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã
Yii a Abɩɩ Saɩɩd Al-hudriy nengẽ (Wẽnd yard be a yĩnga) tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩngɑ) yeelame: «Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã, tɩ ad rẽenem fitna (zarb-n-ges) sẽn zĩnd ɭsraεεl koambẽ yɩɩ pagbẽ wã».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt Hausa Kurdî Kiswahili Português සිංහල Svenska Čeština ગુજરાતી አማርኛ Yorùbá ئۇيغۇرچە ไทย پښتو অসমীয়া دری Кыргызча or नेपाली Malagasy Kinyarwanda Română తెలుగు Lietuvių Oromoo മലയാളം Nederlands Soomaali Shqip Српски Deutsch Українська ಕನ್ನಡ Wolof ქართული Azərbaycan Magyar தமிழ்الشرح
Nabiyaamã (Wẽnd pʋʋsg la A tɩlgr be a yĩngɑ) vẽnegdame n wilgdẽ, tɩ dũni yaa noogo a lembgẽ, n yaa bʋgsgo, n yaa kõodre a gesgẽ, tɩ ninsaal belg a meng ne-a n nidgd pãnga a pʋgẽ, n rɩk a yɩɩgrã fãa gilli tɩ yaa yẽnda. La ad Wẽnde, (A Naam yɩlg n zẽke), A maanan tõnd sãnda tɩ d ledsd taaba dũni-kãngã vɩɩmã pʋgẽ, n na n ges d sẽn nɑ n tʋm ɑ soɑbɑ, d na n yals ne A tũudmã bɩ d na n kɩɩs-A lame? Rẽ poorẽ t'a yeele: gũus-y tɩ dũni wʋm-noogã la a faas-teedã ra wa belg yãmb ye, n tall yãmb tɩ y bas bũmb ning Wẽnd sẽn sagl yãmb ne wã ye, n wa tɩ lʋɩ b sẽn gɩdg yãmb a soabã zug ye. La bũmb ning bedrem sẽn yɩɩd tɩ y sõmb n gũus y mens n yi dũni wã fɩtna wã, ad yaa pagbã fitna, bala yẽnda la rẽenem Fɩtnɑ ɭsraεεl koambã sẽn lʋɩ ɑ zugu.فوائد الحديث
Hadiisã pirsdame tɩ b tablg Wẽnd zoεεga la b ra maan soagl ne dũni wã yεlã la a faas-teedã ye.
A bugsdame tɩ b gũus b mens n yi pagbã fitnã wã pʋgẽ, sẽn yɑɑ gesgo, maa yaal-yaale mɑɑnego n gẽdg ra-zẽmse, la zẽng sẽn ka rẽnda.
Pagbã zarb-n-gesgã, a naaga zarb-n-ges bεd nins sẽn be dũni-kãngã pʋgẽ wã.
A wilgda waazʋ maanego la yam rɩkre, zamã-rãmb nins sẽn reng taoorã nengẽ, rẽnd bũmb ning sẽn paam ɭsraεεl koambã, tõe n paama zẽng sẽn ka bãmba.
Pagbã fitnã wã (zarb-n-gesgã) sã n mikame tɩ yaa f paga, rẽnd a tõeeme n roglg raoa rɩtla raoã sẽn ka tõe, tɩ rẽnda maan-a soagla t'a bas dĩinã yεl baoobo, n yɩ sabab n tall-a n kẽes halkr pʋgẽ, dũni wã baoob wεεngẽ, la sã n mikame tɩ yaa pʋg zẽnga, yẽnda fitnã wã yaa a sẽn na n belgd raopã la a kɩld-b n yi sɩdã zugu, tɩ pagbã sã n yi n tʋg n gẽdg raopã, sẽn tʋg n yɩɩda sã n mikame tɩ yaa pagb sẽn ka lud b zutu, n ka yeelg sõma, la woto tõeeme n yɩ sabab n tall-b n kẽes yoob pʋga, yoobã dargε-rãmb kõbg toor-toore, rẽnd sõmba ne muunim t'a gãd Wẽnd wĩirã la a maan yamleoog n tʋg Wẽnd nengẽ t'A gũ-a n põsg-a n yi pagbã zɑrbgã.