إعدادات العرض
Ned ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere
Ned ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere
Yii a ̌Abdʋllaah ɭbn ̌Ambr ɭbn Al-̌aaṣ nengẽ (Wẽnd yard be b yiibã yĩnga) a yeelame: Nabiyaamã yeelame (Wẽnd pʋʋsg la A tɩlgr be a yĩnga): «Ad fo loeta noor raar fãa la f yas yʋngã gilli?» tɩ mam yet tɩ n-yee, t'a yeele: «Ad fo sã n maan woto, f valemda f nifrã la f yaamse f yõorẽ ne yel-kãngãNed ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere». Tɩ mam yeel tɩ m tõeeme sẽn yɩɩd rasem a tãabã, t'a yeele: «bɩ f loe a Daawʋʋd (tɩlgr be a yĩnga) no-loeerã, a ra loeta raare la a kaood raare, la a ka zoete t'a sã n yek bεεb ye».
الترجمة
العربية Bosanski English Español فارسی Français Bahasa Indonesia Русский Türkçe اردو 中文 हिन्दी ئۇيغۇرچە Hausa Kurdî Português සිංහල Kiswahili অসমীয়া Tiếng Việt ગુજરાતી Nederlands മലയാളം Română Magyar ქართულიالشرح
Taa Nabiyaamã (Wẽnd pʋʋsg la A tɩlgr be a yĩnga) t'a Abdʋllaah ɭbn ̌Ambre (Wẽnd yard be b yiibã yĩnga) a ra loeta noorã wakat fãa yʋʋmdã gilli, n ka kaoodẽ ye, n pʋʋsd yʋngã gilli n ka gõe ye, tɩ Nabiyaamã gɩdg-a yel-kãngã n yeel-a: loe la f kao, la f yals n pʋʋs yʋngã la f gãande, La a gɩdg-a lame t'a ra loet noorã raar fãa, la a ra yals yʋngã gill ye, n yeel-a: fo sã n maan woto, fo ninã na n walemsame n lebg kondo, tɩ fo yõorã yε, t'a yamã yi, rẽnd ned ning sẽn loe yʋʋmdã gilli a ka loe noore, bala yẽ ka na n paam Nabiyaamã sagell yel-sõmd ye; a leb n ka kao me ye, bala a yõka a meng n bas yel-kaoodse. Rẽ poorẽ t'a kãndg n tʋg rasem a tãab no-loeer kiuug fãa, tɩ yẽnda la yʋʋmdã no-loeere; bala raar fãa yaa rasem piig yel-sõmd la a rɩkda, yẽ me la tʋʋm sõmsã fãoobã sẽn tʋg n paood n yɩɩda. T'a Abdʋllaah yeele: ad mam tõee sẽn yɩɩd rẽnda. Tɩ Nabiyaamã (Wẽnd pʋʋsg la A tɩlgr be a yĩnga) yeele: bɩ f loe Nabiyaamã a Daawʋʋd no-loeere (Pʋʋsg be a yĩnga) tɩ yẽnda n yɩɩd sõmlem, a ra yɩɩme n loet raare, la a kaood raare, la a rag n ka zoete t'a sã n yek bεεb ye, bala a no-loeerã buudã ka valems a yĩngã ye.فوائد الحديث
Loet rasem a tãab kiuug fãa, a yaa wala yʋʋmdã gill no-loeere, yel-sõmd a yembre, yaa a taab bilgr piig la Wẽnd kõta, rẽnda yɩta rasem pis-tã, a sã n loe noor kiuug fãa rasem a tãabo, yaa wala a loee yʋʋmdã fãa.
Sẽn be bool n tʋg Wẽnd dĩinã pʋgẽ wã na-kẽnd-rãmba, yaa kẽes yamleoog ne tʋʋmã la f togs a tablgã yel-sõmde.
A Al-hattaabiy yeelame (Wẽnd na yols-a): a Abdʋllaah ɭbn Amr kibarã, yaa tɩ Wẽnde, (A Naam zẽk yã) A ka yeel t'A yambã tũ Yẽ ne no-loeer bal ye, la ad A yeelame t'a tũ-A ne tũud-rãmb kõbg toor-toore, rẽnd n kɩt t'a sã n rɩk a pãngã fãa n kẽes beenẽ, a na n maan n koeega tũud-rãmb a tãabẽ wã, sẽn sõmb n yɩɩd yaa a maan n zems a pʋgẽ, sẽn na yɩl n kell pãng n tʋm a taabã, la b wilga yel-kãngã ne Nabiyaamã (Wẽnd pʋʋsg la A tɩlgr be a yĩnga) sẽn yeel Nabiyaamã a Daawʋʋd yellã pʋgẽ wã (Tɩlgr be a yĩnga) t'a rag n ka zoete t'a sã n yek bεεbã, bala a tara pãnga, a sẽn da kaood rasem-rãmb ninsã gɩhaadɩ sabab yĩnga.
Yaa b sẽn gɩdg maan-n-zʋʋg la maan-tɩ-loog tũudmã pʋgẽ, la sõma yaa Sũnnah tablgo.
La bãngdbã wʋsg fãa na-kẽndr yaa tɩ b kisga zamaanã fãa no-loeerã, la yɩta haraam t'a sã n wa kenge, n namsd a mengã la a leb n bas Nabiyaamã (Wẽnd pʋʋsg la A tɩlgr be a yĩnga) Sũnnah rɩkre, n tẽed tɩ zẽng sẽn ka Nabiyaamã Sũnnah sõmlem n yɩɩda..
التصنيفات
Voluntary Fasting