فوائد الحديث

प्रत्येक महिनामा तीन पटक उपवास बस्नु भनेको पूरा वर्षभरि उपवास बस्नु जस्तै हो। किनभने पुण्यकर्मको प्रतिफल दश गुणा दिइन्छ। यसरी, तीनवटा उपवास तीस दिनको उपवास बराबर हुन्छ। त्यसैले, जसले प्रत्येक महिनामा तीन पटक उपवास बस्छ, उसले वर्षभरि उपवास बसे जस्तै हो।

मानिसहरूलाई अल्लाहतर्फ आमन्त्रित गर्ने एउटा तरिका भनेको कार्य गर्न प्रोत्साहित गर्नु र यसको प्रतिफल र त्यसमा दृढ रहँदा प्राप्त हुने पुन्य उल्लेख गर्नु हो।

अल-खत्ताबीले भने: अब्दुल्लाह बिन अम्रको कथाको सार के हो भने परमेश्वरले आफ्नो सेवकलाई केवल उपवास बसेर आफ्नो पूजा गर्न लगाउनुभएन, बरु विभिन्न प्रकारका उपासनाहरूद्वारा आफ्नो पूजा गर्न आदेश दिनुभएको छ। यदि उसले एउटा कुरामा आफ्नो सक्दो प्रयास खर्च गर्छ भने ऊ अन्य कुराहरूमा कमजोर हुने हो। त्यसकारण, यसमा मध्यम हुनु राम्रो हो ताकि उसले अन्य कुराहरूको लागि केही शक्ति जोगाउन सकोस्। दाऊदको बर्त बस भनेर रसूल (सल्लल्लाहु अलैहि वसल्लम) ले पनि संकेत गर्नुभएको थियो: "र जब उनी कसैसँग भेट्थे तब उनी भाग्दैनथे," किनभने उनी जिहादको लागि उपवास तोडेर आफूलाई बलियो बनाउन्थे।

अतिवादमा जाने र पूजामा ढोंग गर्न निषेध र सबैभन्दा राम्रो कार्य भनेको सुन्नतको पालना गर्नु हो।

अधिकांश विद्वानहरूको धारणा: लगातार उपवास राख्नु मकरूह (अप्रिय) हो । यदि कसैले आफैंमाथि अत्यधिक दबाब दिन्छ, आफूलाई हानि पुर्‍याउँछ, पैगम्बरको सुन्नतबाट टाढा जान्छ र उहाँको सुन्नत बाहेक अरू केहि राम्रो छ भन्ने विश्वास गर्छ भने यो निषेधित हो।