فوائد الحديث

Nebã põsa taab lɩslaangã wεεngẽ, la lɩslaamdã paasda rasãnd ne tʋʋm sãnda.

Bas sẽn ka tar yõodo la sẽn ka pake, goamẽ wã la tʋʋmẽ wã, a yaa tagmas n wilgd ned lɩslaangã sẽn pidi.

A pirsdame tɩ b maan soagla ne bũmb ning sẽn pak ninsaala, sẽn yaa a dĩinã la a dũni wã yεla, rẽnd sã n mikame tɩ sẽn be ned lɩslaang manegrẽ, yaa a bas bũmb ning sẽn ka pak-a, rẽnd sẽn be a manegrẽ wã me yaa a maan soagl ne bũmb ning sẽn pak-a wã.

A ɭbn Al-Ƙayyim yeelame: (Wẽnd na yols-a) la Nabiyaamã (Wẽnd pʋʋsg la A tɩlgr be a yĩnga) a tigma Wẽn-zoεεgã gilli gomd a yembr pʋgẽ, n yeele: «Sẽn be ninsaal Lɩslɑɑng mɑnegr pʋgẽ: yɑɑ ɑ sẽn bɑs sẽn pɑ pɑk-ɑ», rẽnd woto gũbga bas bũmb ning sẽn ka pakã, sẽn yaa gom la gesgo, la kelgre, la gãdbo, la kẽna, la tagsgo, la rãmbg ning fãa sẽn yaa vẽenegã la sẽn solgã, rẽnd hadiis-kãngã a yaa gom sẽn welg zãnga, sã n yaa Wẽnd zoεεgã pʋgẽ.

A ɭbn Ragεb yeelame: hadiis-kãngã, a yaa yẽgr sẽn be zʋgdã yẽgrẽ.

A pirsdame tɩ b bao bãngre, bala yaa ne bãngrã la ninsaal bãngd sẽn pak yẽ la sẽn ka pak-a.

Sagl ne manegr la gɩdg ne yel-kiti wã la maan pʋ-peelem, b yaa bũmb sẽn pak ninsaala, bala b sagl-a lame t'a yik ne rẽ.

Kẽeda hadiisã maana pʋgẽ, zãag f menga n yi bũmb ning sẽn ka pake, sẽn yaa Wẽnd sẽn maan tɩ yaa haraam la Nabiyaamã (Wẽnd pʋʋsg la A tɩlgr be a yĩnga) sẽn kisg bũmb ningã, la woto bala ninsaal sẽn ka tar tʋlsem ne-a sẽn yaa laahrã yεla, sẽn kẽed wala yelsoondɩ hakɩɩkã sẽn yaa a soaba, la bʋʋdã pẽesgo la Wẽnd naanegã pʋgẽ la Wẽnd sagllã yellã, sẽn be a pʋgẽ yaa sogsg la pẽes n baood masaal-rãmba sẽn yaa nang n yeele, sẽn na pa yɩ ye, maa bũmb ning sẽn ka nong n yɩtẽ, maa b sẽn pa tẽed t'a rag n tõe n yɩɩme.