إعدادات العرض
((ژ باشی و جوانییا موسلمانه‌تییا مرۆڤییه ئه‌و وی تشتی بهێلیت یێ مایێ وی تێ نه‌چیت))
((ژ باشی و جوانییا موسلمانه‌تییا مرۆڤییه ئه‌و وی تشتی بهێلیت یێ مایێ وی تێ نه‌چیت))
ژ ئه‌بو هوره‌یره‌ی (خودێ ژێ ڕازی بیت) گۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ژ باشی و جوانییا موسلمانه‌تییا مرۆڤییه ئه‌و وی تشتی بهێلیت یێ مایێ وی تێ نه‌چیت)).
الترجمة
العربية Tagalog Português دری অসমীয়া বাংলা Kurdî پښتو Hausa Tiếng Việt Македонски O‘zbek Kiswahili ភាសាខ្មែរ ਪੰਜਾਬੀ Moore తెలుగు اردو Azərbaycan ไทย አማርኛ Magyar Türkçe ქართული 中文 ಕನ್ನಡ ગુજરાતી Українська Shqip हिन्दी Кыргызча Српски Kinyarwanda тоҷикӣ Wolof Čeština Русский Bahasa Indonesia English தமிழ் नेपाली മലയാളം فارسیالشرح
پێغه‌مبه‌ری (صه‌لات و سه‌لامێن خودێ ل سه‌ر بن) دیارکر کو: ژ تەمامەتییا باشی و جوانییا ئیسلاما مرۆڤی و تەمامەتییا باوەرییا وی؛ دویرکەڤتنا وییە ژ وی تشتێ مایێ وی تێ ناچیت و چ پەیوەندی ب ویڤە نینە و بۆ وی یا گرنگ نینە و چ مفای ل وی ناکەت ژ گۆتن و کریاران، یان ژ وان تشتانە یێن مایێ وی تێ ناچیت ژ کاروبارێن دین و دونیایێ، ڤێجا ئەگەر مرۆڤی خۆ ب تشتەکیڤە مژویل کر کو چ مایێ وى تێ ناچیت؛ بەلکی ببیتە ئەگەر مرۆڤی ئاگەهـ ژ وی تشتی نەبیت یێ مایێ وی تێ دچیت و گرنگییێ پێ نەدەت، یان بەری وی بدەتە وی تشتێ کو دڤێت خۆ ژێ بدەتە پاش، چونکی مرۆڤ ل ڕۆژا قیامەتێ بەرپرسیارە ژ کارێن خۆ.فوائد الحديث
مرۆڤ د موسلمانه‌تییا خۆدا ژێك د جۆدانه و ئه‌و ب كرنا هنده‌ك كاران هێشتا جوانتر لێ دهێت.
هێلانا گۆتن و كریارێن بێمفا و زێده به‌ڵگه‌یه ل سه‌ر ته‌مامه‌تییا موسلمانه‌تییا مرۆڤی.
هاندان ل سه‌ر مژویلبوونا مرۆڤی ب وی تشتێ مایێ مرۆڤی تێ دچیت ژ كاروبارێن دین و دونیایا وی، چونكی ئه‌گه‌ر ژ جوانییا موسلمانه‌تییا مرۆڤی هێلانا وی تشتی بیت یێ مایێ وی تێ ناچیت؛ هنگی ژ جوانییا موسلمانه‌تییا مرۆڤی مژویلبوونا وییه ب وی تشتێ مایێ وی تێ دچیت.
ئبن قه‌ییمی (خودێ دلۆڤانییێ پێ ببەت) گۆت: پێغه‌مبه‌ری (صه‌لات و سه‌لامێن خودێ ل سه‌ر بن) وه‌رع هەمی د ئێك په‌یڤدا كۆمكر، و گۆت: ((ژ باشی و جوانییا ئیسلاما مرۆڤی: هێلانا وی تشتییە یێ مایێ وی تێ نەچیت))، ئه‌ڤه هێلانا وی تشتی بخۆڤە دگریت یێ مایێ مرۆڤی تێ نەچیت ژ: ئاخڤتنێ، بەرێخۆدانێ، گوهدانێ، دەستکرنێ، ڕێڤەچوونێ، هزرکرنێ و هەمی لڤینێن دی یێن سەرڤە و بنڤە، ئەڤە پەیڤەکا تێر و تەسەلە ل دۆر وەرەعێ.
ئبن ڕه‌جه‌بی گۆت: ئه‌ڤ فه‌رمووده‌یه بنیاته‌كه ژ بنیاتێن تۆره و ئادابان.
هاندان ل سه‌ر داخوازكرنا زانینێ، چونكی مرۆڤ ب ڕێكا وێ دێ زانیت كا مایێ وی د چ تشتی دچیت و مایێ وی د چ تشتی ناچیت.
فه‌رمانكرن ب باشییێ و پاشڤه‌برن ژ خرابییێ و شیره‌تكرن د وی تشتێ مایێ مرۆڤی تێ دچیت، چونكی ئه‌ڤه كاره‌كه فه‌رمان پێ هاتییه كرن.
ژ وی تشتێ دچیتە د بن گشتیبوونا ڕامانا فەرموودەیێ: دویرکەڤتنە ژ وی تشتێ مایێ مرۆڤی تێ نەچیت یێ خودێ حەرامکری و پێغه‌مبه‌ری (صه‌لات و سه‌لامێن خودێ ل سه‌ر بن) پاشڤەبرن ژێ کری، هەروەسا ژ وی تشتێ مرۆڤ پێدڤی نابیتێ ژ کاروبارێن ئاخرەتێ، وەکی ڕاستییێن غەیبێ و بەرفرەهییێن حوکم و دەستهەلاتێ ل دۆر ئافراندن و کاری، ژ وان ژی پرسیارکرن و لێگەریانە ل دۆر بابەتێن هاتینە نڤیسین د قەدەرێدا و هێشتا نەهاتینە جهـ، یان نێزیکە نە هێنە جهـ، یان ژی هاتنەجها وان ناهێتە پێشبینیکرن.