إعدادات العرض
ဤနေ့ရက်များ၌ ကောင်းမှုပြုလုပ်ခြင်းအား အခြားသောနေ့ရက်များတွင် ကောင်းမှုပြုလုပ်ခြင်းထက်…
ဤနေ့ရက်များ၌ ကောင်းမှုပြုလုပ်ခြင်းအား အခြားသောနေ့ရက်များတွင် ကောင်းမှုပြုလုပ်ခြင်းထက် အလ္လာဟ်အရှင်မြတ်သည် ပို၍နှစ်သက်တော်မူသည်။
အဗ်ဒုလ္လာဟ်ဗင်န်အဗ္ဗာစ် (ရဿွိယလ္လာဟုအန်ဟုမာ)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ ဤနေ့ရက်များ(ဇွလ်ဟဂ်ျလ၏ ပထမဆယ်ရက်)၌ ကောင်းမှုပြုလုပ်ခြင်းအား အခြားသောနေ့ရက်များတွင် ကောင်းမှုပြုလုပ်ခြင်းထက် အလ္လာဟ်အရှင်မြတ်သည် ပို၍နှစ်သက်တော်မူသည်။ သာဝကကြီးများက အို အလ္လာဟ်အရှင်မြတ်၏ရစူလ်တမန်တော် အရှင်မြတ်လမ်းတော်၌ ဂျိဟာဒ်လုပ်ခြင်းကို ပို၍နှစ်သက်သည် မဟုတ်လောဟု လျှောက်ထားခဲ့ကြရာ ကိုယ်တော်က မိန့်ကြားသည်မှာ အရှင်မြတ်၏လမ်းတော်၌ ဂျိဟာဒ်လုပ်ခြင်းကိုလည်း(ထိုရက်များ၏ ကောင်းမှုထက်) ပို၍မနှစ်သက်ပေ။ သို့သော် မိမိ၏အသက်ဇီဝိန်၊ ဥစ္စာပစ္စည်းတို့နှင့်တကွ ဂျိဟာဒ်ပြုရန်ထွက်သွားပြီး ၎င်းအရာများကို ပြန်မယူလာသည့် ပုဂ္ဂိုလ်သာလျှင် ပို၍ နှစ်သက်ခြင်းခံရမည်ဖြစ်သည်။
الترجمة
عربي Bosanski English فارسی Français Bahasa Indonesia Русский Türkçe اردو 中文 हिन्दी বাংলা Español Kurdî Português മലയാളം తెలుగు Kiswahili தமிழ் සිංහල ไทย Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Yorùbá Nederlands ئۇيغۇرچە Hausa دری hu it kn Кыргызча Lietuvių mg ro rw Soomaali नेपालीالشرح
“ဤနေ့ရက်များ(ဇွလ်ဟဂ်ျလ၏ ပထမဆယ်ရက်)၌ ကောင်းမှုပြုလုပ်ခြင်းအား အခြားသောနေ့ရက်များတွင် ကောင်းမှုပြုလုပ်ခြင်းထက် အလ္လာဟ်အရှင်မြတ်သည် ပို၍နှစ်သက်တော်မူသည်။” သာဝကကြီးများက အို - အလ္လာဟ်အရှင်မြတ်၏ရစူလ်တမန်တော် အရှင်မြတ်လမ်းတော်၌ ဂျိဟာဒ်လုပ်ခြင်းကို ပို၍နှစ်သက်သည် မဟုတ်လော ဟု လျှောက်ထားခဲ့ကြရာ ကိုယ်တော်က မိန့်ကြားသည်မှာ “အရှင်မြတ်၏လမ်းတော်၌ ဂျိဟာဒ်လုပ်ခြင်းကိုလည်း(ထိုရက်များ၏ ကောင်းမှုထက်) ပိုမနှစ်သက်ပေ။ သို့သော် မိမိ၏အသက်ဇီဝိန်၊ ဥစ္စာပစ္စည်းတို့နှင့်တကွ ဂျိဟာဒ်ပြုရန်ထွက်သွားပြီး ၎င်းအရာများကို ပြန်မယူလာသည့် ပုဂ္ဂိုလ်သာလျှင် ပို၍ နှစ်သက်ခြင်းခံရမည်ဖြစ်သည်။” ကိုယ်တော်မိန့်ကြားတော်မူသည့်“ကောင်းမှုပြုလုပ်ခြင်း”တွင် ဆွလာသ်ဆောက်တည်ခြင်း၊အလှူဒါနပြုခြင်း၊ ဆွိယာမ်ဥပုသ်စောင့်ခြင်း၊ အရှင်မြတ်အားသတိရသတခြင်း၊ သက္ကဗီရ် အလ္လာဟ်အရှင်မြတ်ကြီးကျယ်ကြောင်းမြွတ်ဟခြင်း၊ ကုရ်အာန်ကျမ်းမြတ်ရွတ်ဖတ်ခြင်း၊ မိဘကိုကောင်းမွန်စွာပြုစုခြင်း၊ ဆွေမျိုးသားချင်းများနှင့် အဆက်သွယ်ထားခြင်း၊ အဖန်ဆင်းခံများကို ကောင်းကျိုးပြုခြင်း၊ အိမ်နီးချင်းတို့အား ကောင်းမွန်စွာဆက်ဆံခြင်း စသည်တို့အပြင် အခြားကောင်းမှုများ အားလုံးပါဝင်ပေသည်။ ဇွလ်ဟဂ်ျလ၏ ပထမဆယ်ရက်၌ ဆွိယာမ်ဥပုသ်စောင့်ထိန်းခြင်း စွန္နသ်ဖြစ်သည်။ အဘယ်ကြောင့်ဆိုသော် ဆွိယာမ်ဥပုသ်သည်လည်း ကောင်းမှုပြုလုပ်ခြင်းတွင် ပါဝင်နေသည့်အတွက်ဖြစ်သည်။ ဇွလ်ဟဂ်ျလ ဆယ်ရက်နေ့သည် အီးဒ်နေ့ဖြစ်ပြီး အီးဒ်နေ့၌ ဥပုသ်စောင့်ထိန်းခြင်းကို တားမြစ်ထားသည့်အတွက် ဤနေရာတွင် ဆယ်ရက်နေ့မှလွဲ၍ ကျန်(၉)ရက်တွင် ဆွိယာမ် စောင့်ထိန်းခြင်းကို ဆိုလိုပေသည်။ ဤဟဒီးဆ်တော်၌ ဇွလ်ဟဂ်ျလ ပထမဆယ်ရက်၌ ကောင်းမှုပြုလုပ်ခြင်း၏ မွန်မြတ်မှုအကြောင်း အထောက်ထားပါရှိသည်။ ဤကဲ့သို့ပင် ဂျိဟာဒ်သည် ကောင်းမှုများအနက် အမွန်မြတ်ဆုံးဖြစ်ကြောင်းလည်း အထောက်ထားပါရှိသည်။ ထို့ကြောင့်ပင် သာဝကကြီးများက “အရှင်မြတ်လမ်းတော်၌ ဂျိဟာဒ်လုပ်ခြင်းကို ပို၍နှစ်သက်သည် မဟုတ်လော”ဟု မေးမြန်းခဲ့ကြခြင်းဖြစ်သည်။ ထို့အတူ ဤဟဒီးဆ်တော်တွင် ထူးခြားသောအခြေနေတစ်ရပ်၏ မွန်မြတ်မှုကိုလည်းတင်ပြထားသည်။ ၎င်းမှာလူတစ်ဦးသည် အလ္လာဟ်အရှင်မြတ်၏လမ်းတော်၌ မိမိ၏အသက်ဇီဝိန်၊ ဥစ္စာပစ္စည်း (မိမိ၏လက်နက်နှင့် အစီးအနင်း)တို့နှင့်တကွ ဂျိဟာဒ်ပြုရန် ထွက်သွားခဲ့သည်။ ၎င်းနောက် ရှဟီးဒ်ဖြစ်ကျဆုံးသွားပြီး ၎င်း၏လက်နက်နှင့် အစီးအနင်းတို့ကို ရန်သူကသိမ်းပိုက်လိုက်သည်။ ဤသူသည် အလ္လာဟ်အရှင်မြတ်၏ လမ်းတော်၌ မိမိ၏ အသက်ဇီဝိန်နှင့် ဥစ္စာပစ္စည်းများကို စတေးခဲ့သူဖြစ်ပြီး ၎င်းသည် မူဂျာဟိဒ်တို့အနက်အမြင့်မြတ်ဆုံးသူပင်ဖြစ်သည်။ ဤကောင်းမှုကုသိုလ်သည်သာလျှင် ဇွလ်ဟဂ်ျလ၏ ပထမဆယ်ရက်၌ ကောင်းမှုပြုခြင်းထက် ပို၍သာမြတ်ပေသည်။ အကယ်၍ ၎င်းအမလ်ကောင်းမှုသည် ထိုဆယ်ရက်အတွင်း၌ဖြစ်ခဲ့ပါက မွန်မြတ်မှုသည် ဆထက်ထမ်းပိုး တိုးသွားမည်ဖြစ်သည်။فوائد الحديث
ဇွလ်ဟဂ်ျလ ပထမဆယ်ရက်သည် တစ်နှစ်လုံးရှိ အခြားရက်များထက် သာပိုမွန်မြတ်သည်။
ဇွလ်ဟဂ်ျလ ပထမဆယ်ရက်၌ ဆွိယာမ်ဥပုသ်စောင့်ခြင်း မွတ်စ်သဟဗ်ဖြစ်သည်။
အစ္စလာမ်သာသနာတော်၌ ဂျိဟာဒ်၏ မွန်မြတ်မှုသည် ကြီးကျယ်လှပေသည်။
အချို့အချိန်များသည် အချို့အချိန်များထက် ပို၍မွန်မြတ်သည်။
တင်ပြလိုက်သော ကိစ္စသည် မရှင်းလင်းပါက ယင်းအား ပြန်လည်မေးမြန်းခြင်းသည် တင်ပြခြင်းခံရသူတွင်ရှိသင့်သည့် ကျင့်ဝတ်တစ်ခုပင်ဖြစ်သည်။