الشرح

රමළාන් මස අවසන් දින දහයේ ලය්ලතුල් කද්ර් රාත්රිය ඇති බව නබි -සල්ලල්ලාහු අලය්හි වසල්ලම්- තුමා දැනගත් පසුව එය සොයමින් එතුමා රමළාන් මස අවසන් දින දහයේ මස්ජිදයේ රැඳී සිට නැමදුම් ඉටු කරන්නෙකු ලෙස සිටි බව ආඉෂා -රළියල්ලාහු අන්හා- තුමිය දන්වා සිටියි. අල්ලාහ් එතුමාව මරණයට පත් කරන තෙක් එතුමා එය අනිවාර්යය කර ගත්හ. සැබැවින්ම එම නීතිය වෙනස් කරනු ලැබූවක් නොවන බවත් එය නබි තුමාණන්ට පමණක් විශේෂිත නොවූවක් බවත් එතුමාගෙන් පසුව එතුමාගේ බිරියන්ද ඉඃතිකාෆ් සිට ඇති බවත් ආඉෂා -රළියල්ලාහු අන්හා තුමිය පෙන්වා දී ඇත. දෙවන ප්රකාශයේ, සැබැවින්ම නබි -සල්ලල්ලාහු අලය්හි වසල්ලම්- තුමා ෆජ්ර් සලාතය ඉටු කළ විට එතුමා ඉඃතිකාෆ් සිටින ස්ථානයට පිවිසුනු බව ඇය විසින් විස්තර කර ඇත. එය තම පරමාධිපතිට නැමදුම් කිරීමටත් ඔහු සමග සම්බන්ධකම් පැවැත්වීමටත්ය. එය මැවීම් අතර ඇති සම්බන්ධතා විසන්ධි කරමින් සිදුවන්නක් නොවීය.