الشرح

హదీసు అర్ధం :ఒక ముస్లిముకు కలిగే వ్యాధులు,చింతలు,ఆందోళనలు,కష్టాలు,ఆపదలు,తీవ్రతలు,భయాలు మరియు భాధలు ఇవన్నీకూడా అతని పాపాలను ప్రక్షాళన పరుస్తాయి,తప్పులను తుడిచివేస్తాయి,ఇవి కలిగినప్పుడు వ్యక్తి వాటిపై సహనం పాటిస్తూ పుణ్యఫలాపేక్షతను కోరితే అతనికి పాపప్రక్షాళనతో పాటు పుణ్యం కూడా దక్కుతుంది,ఆపదలు రెండు రకాలుగా ఉంటాయి :కొన్ని సార్లు ఆపదలు కలిగినప్పుడు మనిషి వాటి పై ఓర్పు వహిస్తూ దానికి బదులుగా నొసగబడే పుణ్యాన్ని అల్లాహ్ నుండి ఆశిస్తూ ఉంటాడు,అప్పుడు అతనికి రెండు ప్రయోజనాలు చేకూరుతాయి:పాపాలు ప్రక్షాళించబడతాయి,పుణ్యాలు వృద్ది చెందుతాయి,కొన్ని సార్లు మనిషి మదిలో ఈ విషయం లేకపోవడం వల్ల ఆందోళన వ్యాఖులతకు గురై చింతిస్తూ బాధకు గురవుతాడు,అల్లాహ్ పుణ్యం ప్రసాదిస్తాడు అనే విషయం అతని మదిలో లేకపోయినప్పటికి కూడా అతని పాపాలు మన్నించ బడతాయి,అంటే ఎట్టి పరిస్థితుల్లో కూడా అతనికి ప్రయోజనం చేకూరుతుంది,ఎటువంటి పుణ్యాలు లేకుండా కేవలం అతని పాపాలు మన్నించబడతాయి,తప్పులు సమసిపోతాయి,ఎందుకంటే అతను ఎలాంటి సత్సంకల్పాన్ని కలిగిలేడు మరియు పుణ్యఫలాపేక్షతో ఓర్పు వహించలేదు,లేదా మొదట చెప్పినట్లు అతనికి రెండు ప్రయోజనాలు చేకూరుతాయి అనగా అతని పాపాలు క్షమించబడతాయి మరియు అల్లాహ్ తరుపు నుండి పుణ్యం కూడా ప్రసాదించబడుతుంది,కాబట్టి మనిషికి ఏ ఆపద కలిగిన చివరికి ఒక ముల్లు గుచ్చిన ఆ ఆపదలో ఓర్పువహిస్తూ అల్లాహ్ నుండి పుణ్యఫలపేక్షను కూడా కలిగి ఉండాలి దాని వలన అతని పాపాల ప్రక్షాళనతో పాటు,పుణ్యం కూడా సిద్దిస్తుంది,ఇది అల్లాహ్ వైపు నుండి ఒక గొప్ప అనుగ్రహం తో పాటు దయాదాక్షిన్యాల ప్రజ్వరిల్లే విషయం కూడా,అల్లాహ్ ఒక ముస్లిమును ఆపదకు గురి చేసి పరీక్షించినట్లైతే దాని పై అతని పాపాలను మన్నిస్తాడు లేదా పుణ్యం ప్రసాదిస్తాడు,గమనిక : చిన్న పాపాలు మాత్రమే ప్రక్షాళించబడతాయి,పెద్దపాపాలు క్షమించబడవు అవి కేవలం నిజమైన తౌబా వల్ల మాత్రమే ప్రక్షాళించబడతాయి.