إعدادات العرض
Аёл киши асло икки кунлик масофага эрисиз ёки маҳрамсиз сафар қилмасин
Аёл киши асло икки кунлик масофага эрисиз ёки маҳрамсиз сафар қилмасин
Абу Саид Худрий разияллоҳу анҳу айтадилар. У киши Набий соллаллоҳу алайҳи ва саллам билан ўн иккита ғазотта қатнашганлар. Набий соллаллоҳу алайҳи ва салламдан тўртта нарсани эшитдим ва улар мени ажаблантирди. «Аёл киши асло икки кунлик масофага эрисиз ёки маҳрамсиз сафар қилмасин. Фитр ва Қурбон ҳаитлари рўза йўқ. Бомдод намозидан сўнг қуёш чиққинча, асрдан кийин шомгача намоз ўқилмайди. Зиёрат учун фақат учта масжидга борилади: «Масжид Ал-Ҳаром, Масжид Ал-Ақсо ва менинг бу масжидим», – дедилар.
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Hausa Kurdî Português Svenska ગુજરાતી Yorùbá ئۇيغۇرچە සිංහල Tiếng Việt Kiswahili پښتو অসমীয়া دری or Čeština नेपाली Română Nederlands Soomaali తెలుగు Српски മലയാളം Kinyarwanda Кыргызча ಕನ್ನಡ Wolof Magyar ქართული Moore Українська Македонски Azərbaycan Lietuvių አማርኛ Malagasy Shqip Oromoo Italiano ไทย Deutsch मराठी ਪੰਜਾਬੀالشرح
Набий соллаллоҳу алайҳи ва саллам тўртта нарсадан қайтардилар. Биринчи: Аёл кишини икки кунлик узоқликдаги жойга эри ёки махрамисиз сафар қилишини манъ қилдилар. Аёл кишининг абадий маҳрами ўғли, отаси, акаси ва опасининг ўғли, амакиси, тоғаси ва шу каби яқинларидир. Иккинчи: Фитр ва Қурбон ҳайити кунлари рўза тутишдан қайтардилар. У рўза назр, нафл ёки каффорат бўлишилан қатъий назар. Учинчи: Бомдоддан қуёш чиққинча, асрдан кун ботгинча нафл намоздан қайтардилар. Тўртинчи: Уч масжиддан ташқари бошқа жойга у фазилатли ва бир неча баробар бошқа масжидларга қараганда кўпроқ савоб оламан деб намоз ўқигани сафар қилишдан қайтардилар. Масжид Ал-Ҳаром, Масжид Ан-Набавий ва Масжид Ал-Ақсо ўша уч масжиддир.فوائد الحديث
Аёл киши маҳрамсиз сафар қилиши мумкин эмас.
Расулуллоҳ соллаллоҳу алайҳи ва салламнинг: «Эри ёки махрами» деган сўзлари учун аёл аёлга маҳрам бўла олмайди.
Ҳар бир сафар деб аталган нарсадан аёл киши эри ёки маҳрамисиз боришидан қацтарилади. Бу ҳадис эса, сўровчининг холига қараб айтилган.
Аёл кишининг эри, отаси, ўғли, амакиси, тоғаси, уни эмизган аёлнинг эри, эмизган аёлнинг қайниси ёки ўз қайнотаси маҳрам бўлади. Маҳрам —мусулмон, балоғатга етган, ақлли, ишончли ва омонатдор бўлиши керак. Чунки маҳрамдан мақсад, аёлни ҳимоя қилиши, сақлаши, ишларини қоим қила олиши керак.
Ислом шариатининг аёл кишига ва унинг химоясига бўлган эътибори.
Бомдод ва аср намозидан кейин мутлоқ нафл намоз ўқиш жоиз эмас. Лекин ўтиб кетган фарз ёки сабаби бўлган таҳийётулмасжид каби намозларни ўқиш жоиз.
Қуёш чиқиши билан дарров ўқиш ҳам ҳаром, балки бир камон ўқи миқдорида кўтарилиши лозим. Бу ўн ва ўн беш дақиқа оралиғидаги вақтни ўз ичига олади.
Аср вақти қуёш ботгунча давом этади.
Ушбу уч масжидга зиёрат учун бориш жоиз.
Бу уч масжиднинг фазли ва бошқа масжидлардан ажралиб турадиган хусусияти.
Набий соллаллоҳу алайҳи ва саллам қабрлари бўлса ҳам қабрларни зиёрат қилиш учун бориш жоиз эмас. Мадинада бўлган инсон ёки унга шариат рўхсат берган нарса учун келган одам зиёрат қилиши жоиз.