gaawleen jëf ndax ay fitna a ngi ñëw yu mel ni dogiiti guddi gu lëndëm,

Jële nañu ci Abuu Hurayrata -yal na ko Yàlla dollee gërëm- mu jële ci Yonnente bi -yal na ko Yàlla dolli xéewal ak mucc- mu wax ne: «gaawleen jëf ndax ay fitna a ngi ñëw yu mel ni dogiiti guddi gu lëndëm, nit ki day xëy di ku gëm, gontu di ab yéefar, walla mu gontu di ku gëm xëy nekk ab yéefar, day jaay diineem ci poñetu àdduna«.

[Wér na] [Muslim soloo na ko]

حفظ

حفظ الحديث بصيغة PDF

الشرح

Yonnente bi -yal na ko Yàlla dolli xéewal ak mucc- day ñaax jullit bi ci mu gaawtu ak baril ay jëf yu baax balaa mu koy tële, ak di ko ñakk a yittewoo ndax fitna yiy ñëw ak ay lënt yu ko koy teree def, te day lëndëm ba mel ni dogiiti guddi, ba dëgg ak neen da cay jaxasoo, ba day jafe ci nit ñi nu ràññee leen, bokk ci ag taram nit ki day làmbatu ba dana xëy di ku gëm daal di gontu di ab yéefar, dana gontu it di ku gëm xëy di ab yéefar, day bàyyi diineem ngir poñeti àdduna bii di jeex.

فوائد الحديث

Dañoo war a ŋoy ci diine ji, te gaaw jëm ci jëf yu sell yi balaa dara di dox suñu diggante ak moom.

Junj la ci ni fitna yiy sànkaate di toftaloo ci mujjug jamono, ak ne fitna ju dem jeneen fitna topp ca.

Bu diiney nit ki néewee mu bàyyi ko ngir am mbiri àdduna, alal walla leneen, loolu sabab lay doon ci mu jeng, ak bàyyi diine ji, topp fitna yi.

Hadiis bi tegtal la ci ne jëf yu baax yi sabab la ci mucc ci fitna yi.

Fitna yi ñaari xaaj la: fitnay lënt yi te li koy faj mooy xam-xam, ak fitnay bànneex yi te li koy faj mooy ngëm ak muñ.

Hadiis bi junj la ci ne ku ay jëfam néew kooku la fitna di gën a gaaw a egg ci moom, waaye ku ay jëfam bari jaadu na mu bañ a woru ci li nekk fi moom, waaye da koo war a yokk.

التصنيفات

Pàcci ngëm

gaawleen jëf ndax ay fitna a ngi ñëw yu mel ni dogiiti guddi gu lëndëm,

gaawleen jëf ndax ay fitna a ngi ñëw yu mel ni dogiiti guddi gu lëndëm,

البوابات الدعوية

التعريف بالإسلام

تعليم المهتدين الجدد

نشر وتعليم القرآن

تطوير مهارات الدعاة