الشرح

Mtume -chanasa ni utendele wa Mlungu iwe pa jwelejo-wasasile kuti mundu jumpakana awechete kuti: " La Ilaha Illa Allah Wahidahu La Sharika Lahu, Lahul Mulku, Wa Lahul Hamdu, Wahuwa A'la Kulli Shaini Qadiru",ngopolelo syakwe syasili syanti: pangali Mlungu jwakumpopela mwa chakuonadi nakaweje Mlungu jumope, jwali jwajikape jwangali wakamusyana nawo, nikuti Mlungujo ni jwakwete umwenye wa chine chilichose, wakuwajilana kuyamichidwa nikuchemeleledwa pamo nikunonyeledwa nikumchimbichisya jwele jikape pangawaga wane wamkanawa wele, nikuti Mlungujo awele jwakombola pa kane kalikose,pangali chikusamlemaga Mlungu. Kwa mundu jumpakana awilisyeje pa lisiku kuwecheta malowe ga makulungwaga kakwana likumi; akusakola malipilo gakulandana nikugopola ukapolo achikapolo wakwana mcheche mu wanache wa Ismail mwanache jwa Ibrahim-Mlungu wape utendele nikwatendela chanasa wawiliwa-, akolasile wanache wa Ismail -utendele wa Mlungu uwe pa jwelejo; ligongo wanache wa Ismail awele wakuchimbichika kupunda wanache wa mundu jwalijose.