إعدادات العرض
بزانه تو دێ چییه د ناڤ هنده‌ك كه‌سێن خودانێن په‌ڕتووكێدا، ڤێجا ئه‌گه‌ر تو چوویه د ناڤ واندا؛ ده‌ستپێكێ تو گازی وان بكه ئه‌و شاهده بده‌ن كو ژ ئه‌لڵاهی…
بزانه تو دێ چییه د ناڤ هنده‌ك كه‌سێن خودانێن په‌ڕتووكێدا، ڤێجا ئه‌گه‌ر تو چوویه د ناڤ واندا؛ ده‌ستپێكێ تو گازی وان بكه ئه‌و شاهده بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه
ژ ئبن عەباسی (خودێ ژ هەردووكان ڕازی بیت) گۆت: ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) موعازێ كوڕێ جه‌به‌لی هنارتییه یه‌مه‌نێ، گۆته وی: ((بزانه تو دێ چییه د ناڤ هنده‌ك كه‌سێن خودانێن په‌ڕتووكێدا، ڤێجا ئه‌گه‌ر تو چوویه د ناڤ واندا؛ ده‌ستپێكێ تو گازی وان بكه ئه‌و شاهده بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه، ئه‌گه‌ر وان بۆ ڤێ چه‌ندێ گوهدارییا ته كر، هنگی تو بێژه وان كو خودێ د هه‌ر شه‌ڤه‌ك و ڕۆژه‌كێدا پێنج نڤێژ یێن ل سه‌ر وان فه‌ڕزكرین و ئه‌گه‌ر بۆ ڤێ چه‌ندێ گوهدارییا ته كر، هنگی تو بێژه وان كو خودێ صه‌ده‌قه‌یه‌ك (زه‌كات) یا ل سه‌ر وان فه‌ڕزكری، ژ زه‌نگینێن وان دهێته وه‌رگرتن و ل سه‌ر هه‌ژارێن وان دهێته دابه‌شكرن، ئه‌گه‌ر وان بۆ ڤێ چه‌ندێ گوهدارییا ته كر، هنگی هشیاربه نه‌چی مالێ وان یێ ژ هه‌مییان باشتر ژ وان وه‌ربگری و خۆ ژ دوعایێن مرۆڤێ سته‌ملێكری بپارێزه، چونكی ب ڕاستی چ په‌رده و ناڤبڕ د ناڤبه‌را دوعایا وی و خودێدا نینن)).
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Hausa Português മലയാളം తెలుగు Kiswahili မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands සිංහල தமிழ் دری Akan Български Fulfulde Magyar ಕನ್ನಡ Кыргызча Lietuvių नेपाली or Română Kinyarwanda тоҷикӣ O‘zbek Azərbaycan Moore Wolof Oromoo Soomaali Українська Bambara ភាសាខ្មែរ rn ქართული Македонски Српски Ελληνικά አማርኛ Malagasy ไทย Dansk मराठी ਪੰਜਾਬੀ Lingala Italianoالشرح
ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) موعازێ كوڕێ جه‌به‌لی (خودێ ژێ ڕازی بیت) وه‌ك گازیكاره‌ك بۆ ڕێكا خودێ و مامۆستایه‌ك هنارتییه وه‌لاتێ یه‌مه‌نێ؛ بۆ دیار كر كو ئه‌و دێ ڕویبڕوی هنده‌ك مرۆڤێن فه‌ڵه بیت، ئه‌ڤه ژی دا یێ ئاماده‌بیت بۆ ڕویبڕویبوونا وان، پاشی دا گازییا خۆ د گه‌ل وان ژ تشتێ گرنگتر بۆ یێ گرنگ ده‌ست پێ بكه‌ت، ڤێجا ل ده‌ستپێكێ و به‌ری هه‌ر تشته‌كی دێ وان بۆ پاقژكرن و چاككرنا عه‌قیده و بیروباوه‌ران گازی كه‌ت، ئه‌ڤه ژی ب وێ چه‌ندێ كو شاهده بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و کو موحەممەد پێغەمبەرێ خودێیە. چونكی ئه‌و ب ڕێكا ڤێ شاهده‌دانێ دێ هێنه د ناڤ ئیسلامێدا، ئه‌گه‌ر گوهداری بۆ ڤێ چه‌ندێ كر؛ دێ فه‌رمانێ ب كرنا نڤێژێ ل وان كه‌ت، چونكی نڤێژ مه‌زنترین واجب و كارێ فه‌ره ل سه‌ر مرۆڤی پشتی ته‌وحید و ئێكتاپه‌رستییێ، ئه‌گه‌ر وان ئه‌ڤ نڤێژه ژی ب دروستی كر؛ دێ فه‌رمانێ ل زه‌نگینێن وان كه‌ت ئه‌و زه‌كاتا مالێ خۆ بده‌نه هه‌ژارێن خۆ، پاشی پێغه‌مبه‌ری (صه‌لات و سه‌لامێن خودێ ل سه‌ر بن) موعاز ژ وێ چه‌ندێ هشیاركر كو ئه‌و بچیت مالێ وان یێ ژ هه‌مییان باشتر ژ وان وه‌ربگریت بۆ زه‌كاتێ، چونكی یا واجب و پێدڤی مال و سامانێ ناڤنجییه، پاشی شیره‌ت ل وی كر خۆ ژ زۆڕدارییێ بپارێزیت، دا كه‌سێ زۆڕیلێكری چ دوعایان ل وی نه‌كه‌ت، چونكی ب ڕاستی دوعایا وی كه‌سی یا وه‌رگرتی و قه‌بویلكرییه.فوائد الحديث
ڕامانا شاهده‌دانا (لا إله إلا الله) ئه‌ڤه‌یه مرۆڤ عیباده‌تێ خودێ ب تنێ بكه‌ت و عیباده‌تێ هه‌ر تشته‌كێ دی ژ بلی وی بهێلیت.
ڕامانا شاهده‌دانا (محمد رسول الله) ئه‌ڤه‌یه مرۆڤ باوه‌رییێ ب وی و ئه‌و تشتێ ئه‌و پێ هاتی بینیت و وی د وی تشتیدا ڕاست ده‌ربێخیت یێ ده‌نگوباسی پێ دده‌ت و دبێژیت و كو ئه‌و دویماهیك پێغه‌مبه‌رێ خودێیه بۆ مرۆڤایه‌تییێ هاتییه هنارتن.
ئاخڤتنا د گه‌ل كه‌سێ زانا و ئه‌و كه‌سێ گومان ل ده‌ڤ هه‌ین؛ وه‌كی ئاخڤتنا د گه‌ل كه‌سێ نه‌زان نینه، ژ به‌ر ڤێ چه‌ندێ ژی پێغه‌مبه‌ری (صه‌لات و سه‌لامێن خودێ ل سه‌ر بن) موعاز ژ ڤێ ئێكێ هشیاركر ده‌مێ گۆتییێ: ((تو دێ چییه د ناڤ هنده‌ك كه‌سێن خودانێن په‌ڕتووكێدا)).
یا فه‌ر و گرنگه مرۆڤێ موسلمان زانین ل سه‌ر دینێ خۆ هه‌بیت و دیندارییا خۆ ل سه‌ر چاڤڕۆهنییێ بڕێڤه ببه‌ت، دا ژ گومانێن گوماندروستكه‌ران ڕزگار بیت، ئه‌ڤه ژی دێ ب داخوازكرنا زانینێ بده‌ستڤه هێت.
به‌تالبوونا دینێ جوهی و فه‌ڵه‌یان پشتی هنارتنا پێغه‌مبه‌ری (صه‌لات و سه‌لامێن خودێ ل سه‌ر بن) و كو ل ڕۆژا قیامه‌تێ ئه‌و ژ وان كه‌سان نابن یێن ژ ئاگرێ جه‌هنه‌مێ ڕزگار دبن هه‌تا باوه‌رییێ ب دینێ ئیسلامێ نه‌ئینن و باوه‌رییێ ب پێغه‌مبه‌ری ژی (صه‌لات و سه‌لامێن خودێ ل سه‌ر بن) نه‌ئینن.