إعدادات العرض
ئهرێ ئهز ههوه ئاگههدار نهكهم ب باشترین كریارا ههوه و پاقژترینا وان ل دهڤ شاهێ ههوه (كو خودێیه) و بلندترینا وان د پلهیێن ههوهدا
ئهرێ ئهز ههوه ئاگههدار نهكهم ب باشترین كریارا ههوه و پاقژترینا وان ل دهڤ شاهێ ههوه (كو خودێیه) و بلندترینا وان د پلهیێن ههوهدا
ئهبو دهرداء (خودێ ژێ ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت: «ئهرێ ئهز ههوه ئاگههدار نهكهم ب باشترین كریارا ههوه و پاقژترینا وان ل دهڤ شاهێ ههوه (كو خودێیه) و بلندترینا وان د پلهیێن ههوهدا، كو باشتر بیت بۆ ههوه ژ مهزاختنا زێڕ و زیڤی و باشتر بیت بۆ ههوه ژ هندێ كو هوین بگههنه دوژمنێ خۆ، ڤێجا هوین ل ستۆیێن وان بدهن و ئهو ل ستۆیێن ههوه بدهن؟» گۆتن: بهلێ. گۆت: «زكرێ خودایێ مهزن».
الترجمة
العربية বাংলা Bosanski English Español فارسی Indonesia Русский Tagalog Türkçe اردو 中文 हिन्दी Tiếng Việt සිංහල ئۇيغۇرچە Hausa Kurdî Kiswahili Português دری অসমীয়া Svenska Yorùbá Кыргызча ગુજરાતી नेपाली Română മലയാളം Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Čeština Magyar Українська Македонски Lietuvių Azərbaycan Wolof አማርኛ Malagasy Oromoo ไทย Deutsch मराठी ਪੰਜਾਬੀ ភាសាខ្មែរ Shqip தமிழ் မြန်မာ O‘zbekالشرح
پێغهمبهری (صهلات و سهلامێن خودێ ل سهر بن) پرسیار ژ صهحابییێن خۆ كر: ئهرێ ههوه دڤێت ئهز بۆ ههوه بێژم و ههوه ئاگههدار بكهم ب باشترین و بلندترین و پاقژترین كریارێن ههوه ل دهڤ خودایێ مهزن؟ و بلندترین كریار د پلهیێن ههوهدا ل بهحهشتێ؟ كو باشتر بیت بۆ ههوه ژ خێر و صهدهقهكرنا زێڕ و زیڤی؟ و باشتر بیت بۆ ههوه ژ چوونا جیهادێ و شهڕێ د گهل كافران، ڤێجا هوین ل ستۆیێ وان بدهن و وان بكوژن و ئهو ل ستۆیێ ههوه بدهن و ههوه بكوژن؟ صهحابییان گۆت: بهلێ مه ئهڤه دڤێت. گۆت: زكرێ خودایێ مهزن د ههمی دهماندا و ب ههمی شێوه و ڕهوشان.فوائد الحديث
بهردهوامبوون ل سهر زكرێ خودایێ مهزن ب دل و ب ئهزمان؛ ژ مهزنترین و بمفاترین كریارانه ل دهڤ خودایێ مهزن.
ههمی كریارێن دی ههما ب تنێ بۆ هندێ هاتینه دانان دا كو زكرێ خودێ پێ بهێته كرن، خودایێ مهزن گۆت: ((وَأَقِمِ الصَّلَاةَ لِذِكْرِي)) ئانكو: ((تو نڤێژێ بكه؛ دا بیرا من بكهی))، پێغهمبهری ژی صهلات و سهلامێن خودێ ل سهر بن گۆت: ((إنَّما جُعل الطَّوافُ بالبيت وبين الصَّفا والمروة ورمي الجمار لإقامة ذكر الله تعالى)). ئانكو: ((ههما طهوافا ل دۆر كهعبێ و چوونا د ناڤبهرا صهفا و مهڕوهیێ و هاڤێتنا بهرێن جهمهراتان ب تنێ بۆ بیرئینانا خودایێ مهزن هاتینه دانان)) رواه أبو داود والترمذي.
عززێ كوڕێ عهبدولسهلامی د (قهواعدا) خۆدا گۆتییه: ئهڤ فهرموودهیه ژ وان دهقانه یێن نیشان ددهن و ئاماژهیێ دكهنه سهر هندێ كو خێر و خهلاتكرن ل سهر ماندیبوونێ ناهێته ئاڤاكرن د ههمی عیبادهتاندا، بهلكی هندهك جاران دبیت خودێ خێر و خهلاتێ كریارهكا كێم مهزنتر بدهت ژ كریارهكا گهلهك، ئانكو خێر و خهلاتكرن ل سهر جوداهییا قهدر و بهایێ عیبادهتی دهێته ئاڤاكرن.
مهناوی د (فیض القدیر)ـێدا دبێژیت: ئهڤ فهرموودهیه ل سهر هندێ هاتییه كو زكر و بیرئینانا خودایێ مهزن باشترین كریار بوو بۆ وان كهسێن پێغهمبهری (صهلات و سهلامێن خودێ ل سهر بن) ل وی دهمی ئاخڤتن د گهلدا دكر، و ئهگهر ئهڤ ئاخڤتنه بۆ كهسهكێ چهلهنگ و مێرخواس هاتبا كرن كو د شهڕیدا مفا دگههانده ئیسلامێ، دا بێژیتێ: (جیهاد) باشترین كریاره. یان ئهگهر بۆ زهنگینهكی گۆتبا یێ كو ههژار مفای ژ مالێ وی وهردگرن، دا بێژیتێ: (خێر و صهدهقهكرن) باشترینه. بۆ وی كهسێ دشێت حهجێ بكهت، دا بێژیتێ: (حهج)؛ یان بۆ وی كهسێ دایك و بابێن وی د ژیانێدا مابن، دا بێژیتێ: (قهدرگرتن و خزمەتكرنا وان) باشترینه. ب ڤی ڕهنگی، ههمی فهرمووده د گهل ئێك دگونجن و ناكۆكی د ناڤبهرا واندا نامینیت.
زكرێ ژ ههمییان تهمامتر ئهوه یێ ئهزمان بێژیت و دل تێبگههیت، پاشی ئهو زكرێ ب دلی ب تنێ بیت وەکی هزرکرنێ، پاشی ئهو زكرێ ب ئهزمانی ب تنێ بیت و خێر یا د ههمییاندا ههی ب ئانههییا خودایێ مهزن.
پێگیربوونا موسلمانی ب زكرێن ڕۆژانه وهكی زكرێن سپێده و ئێڤاری و یێن چوونا د ناڤ مزگهفتێ و مالێ و تارهتێ و دهركهڤتنا ژ وان جهان و ژ بلی ڤانه؛ دێ وی كهته ئێك ژ وان كهسان یێن گهلهك زكرێ خودێ دكهن.
التصنيفات
Merits of Remembering Allah