إعدادات العرض
((باوهردارێ ب هێز، باشتر و خۆشتڤیتره ل دهڤ خودێ ژ باوهردارێ لاواز و د ههردووكاندا خێر یا ههی
((باوهردارێ ب هێز، باشتر و خۆشتڤیتره ل دهڤ خودێ ژ باوهردارێ لاواز و د ههردووكاندا خێر یا ههی
ئهبو هورهیره (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت: ((باوهردارێ ب هێز، باشتر و خۆشتڤیتره ل دهڤ خودێ ژ باوهردارێ لاواز و د ههردووكاندا خێر یا ههی (ههردووك د باشن)، یێ ڕژدبه ل سهر وی تشتێ مفایێ ته تێدا و داخوازا هاریكارییێ ژ خودێ بكه و سست نهبه، و ئهگهر تشتهكێ نهخۆش ب سهرێ ته هات، نهبێژه: ئهگهر من فلان تشت كربا؛ دا هۆسا و هۆسا چێبیت، بهلكی بێژه: ئهڤه قهدهرا خودێیه و تشتێ وی ڤیایی كر، چونكی ب ڕاستی پهیڤا (ئهگهر - لَوْ) دهرگههێ كریارێن شهیتانی ڤهدكهت)).
الترجمة
العربية বাংলা Bosanski English Español فارسی Indonesia Русский Tagalog Türkçe اردو 中文 हिन्दी Hausa Kurdî Português සිංහල Svenska ગુજરાતી Yorùbá ئۇيغۇرچە Tiếng Việt Kiswahili پښتو অসমীয়া دری Кыргызча or नेपाली Čeština Română Nederlands Soomaali മലയാളം తెలుగు Српски Kinyarwanda ಕನ್ನಡ Lietuvių Wolof Українська ქართული Moore Magyar Shqip Македонски Azərbaycan አማርኛ Malagasy Oromoo Deutsch ไทย मराठी ਪੰਜਾਬੀ O‘zbek Italiano ភាសាខ្មែរ မြန်မာالشرح
پێغهمبهر (صهلات و سهلامێن خودێ ل سهر بن) دیار دكهت كو باوهردار ههمی خێر و باشییه، بهلێ باوهردارێ ب هێز د باوهری و حهز و ئیراده و مال و ههمی لایهنێن دی یێن هێزێدا، باشتر و خۆشتڤیتره ل دهڤ خودایێ مهزن ژ باوهردارێ لاواز. پاشی پێغهمبهری (صهلات و سهلامێن خودێ ل سهر بن) شیرهت ل باوهرداری كر كو ئهگهرێن سهركهڤتنێ وهرگریت د وان تشتێن مفا بۆ دونیا و ئاخرهتا وی تێدا ههی، د گهل هندێ دڤێت پشتا خۆ ب خودایێ مهزنڤه گرێدهت و داخوازا هاریكارییێ ژ وی بكهت و خۆ بهێلیته ب هیڤییا ویڤه، پاشی پێغهمبهری (صهلات و سهلامێن خودێ ل سهر بن) پاشڤهبرن ل سستی و تهمبهلی و بێهێزیێ كر د ئهنجامدانا وان كاراندا یێن مفایێ ههردوو مالێن دونیا و ئاخرهتێ تیدا ههی. ڤێجا ئهگهر باوهرداری خۆ د کاریدا زهحمهت دا و دهست ب ئهگهرانڤه گرت و پشتا خۆ ب خودایێ خۆڤه گرێدا و داخوازا باشی و هاریكارییێ ژ خودێ كر، ئێدی پشتی هنگی چ ل سهر وی نینه ژ بلی هندێ ئهو كارێ خۆ ههمییێ ڕادهستی خودایێ خۆ بكهت و بلا بزانیت كو ههلبژارتنا خودایێ مهزن بۆ وی خێره و باشتره . پاشی ئهگهر پشتی هنگی تووشی نهخۆشی یان مۆسیبهتهكێ بوو، بلا نهبێژیت: "ئهگهر من فلان تشت كربا؛ دا هۆسا و هۆسا چێبیت"، "چونكی پهیڤا (ئهگهر - لَوْ) دهرگههێ كریارێن شهیتانی ڤهدكهت" بۆ نهڕازیبوونێ ل سهر قهدهرا خودێ و خهمخوارنا ل سهر تشتێ بووری، بهلكی بلا ب ڕازیبوونڤه بێژیت: "قهدهرا خودێیه و تشتێ وی ڤیای كر"، چونكی ئهوا ڕویدای ههمی ب ڤیانا خودێ بوویه و ئهوی چ بڤێت دكهت و كهس نهشێت بڕیارا وی بزڤڕینیت.فوائد الحديث
جوداهییا خهلكی د پلهیێن باوهرییێدا.
سوننهتبوونا هێزێ د كار و كریاراندا، چونكی ئهو مفایێ ژ كهسێ بهێزڤه دهێت؛ ژ كهسێ لاوازڤه ناهێت.
پێدڤییه مرۆڤ یێ ڕژد بیت ل سهر وی تشتێ مفایێ وی تێدا ههی و دهست ژ تشتێ بێمفا بهردهت.
پێدڤییه باوهردار د ههمی كارێن خۆدا داخوازا هاریكارییێ ژ خودێ بكهت و ب تنێ پشتبهستنێ ل سهر خۆ نهكهت.
پشتڕاستكرنا قهزا و قهدهرێ و كو ئهو دژی ئهگهر وهرگرتن و خۆزهحمهتدانێ نینه بۆ داخوازکرنا خێر و باشییان.
پاشڤهبرن ژ گۆتنا (ئهگهر - لَوْ) ب مهرهما نهڕازیبوونێ دهمێ نهخۆشی دهێن و حهرامبوونا نهڕازیبوونێ ل سهر بڕیار و قهدهرا خودایێ مهزن.