إعدادات العرض
تو نه ژ ئههلێ ئاگریی، بهلكی تو ژ ئههلێ بهحهشتێی))
تو نه ژ ئههلێ ئاگریی، بهلكی تو ژ ئههلێ بهحهشتێی))
ئهنهسێ كوڕێ مالكی (خودێ ژێ ڕازی بیت) دبێژیت: ((جارهكێ پێغهمبهری (صهلات و سهلامێن خودێ ل سهر بن) ثابتێ كورێ قهیسی نهدیت و پرسیارا وی كر، ئینا زهلامهكی گۆت: ئهی پێغهمبهرێ خودێ؛ ئهز دێ دهنگوباسێ وی بۆ ته ئینم، ئهو ژی چوو دهڤ وی و دیت یێ ل مالا خۆ ڕوینشتییه و سهرێ خۆ یێ چهماندی ، گۆتێ: ته خێره؟ ثابتی گۆت: تشتێ خراب (ڕهوشا من نهیا باشه و من كارهكێ خراب یێ كری)، وی دهنگێ خۆ ل سهر دهنگێ پێغهمبهری (صهلات و سهلامێن خودێ ل سهر بن) بلند دكر، ڤێجا مسوگهر كارێ وی پویچبوو و ئهو ژ ئههلێ ئاگرییه! ئهو زهلام ژی هات و دهنگوباس دا پێغهمبهری (صهلات و سهلامێن خودێ ل سهر بن) و گۆتێ كو وی زهلامی فلان تشت و فلان تشت گۆتن، پاشی جارا دووێ ب مزگینییهكا مهزنڤه زڤڕی و گۆتێ: ههڕه دهڤ و بێژێ: تو نه ژ ئههلێ ئاگریی، بهلكی تو ژ ئههلێ بهحهشتێی)).
الترجمة
العربية English မြန်မာ Svenska Čeština ગુજરાતી Yorùbá Nederlands اردو Indonesia ئۇيغۇرچە বাংলা සිංහල हिन्दी Tiếng Việt Hausa తెలుగు Kiswahili پښتو অসমীয়া دری Fulfulde Кыргызча Lietuvių Kinyarwanda नेपाली മലയാളം Bosanski ಕನ್ನಡ Kurdî Română Shqip Soomaali Српски Wolof Українська Moore Tagalog தமிழ் Azərbaycan فارسی ქართული 中文 Magyar Português Deutsch Македонски Русский Bambara Malagasy Oromoo ភាសាខ្មែរ ไทย मराठी ਪੰਜਾਬੀ Türkçe Italiano አማርኛ O‘zbek Français Español 日本語الشرح
پێغهمبهری (صهلات و سهلامێن خودێ ل سهر بن) ثابتێ كورێ قهیسی (خودێ ژێ ڕازی بیت) نهدیت و پرسیارا وی كر، زهلامهكی گۆت: ئهز دێ دهنگوباسێ وی و ئهگهرێ دیارنهبوونا وی بۆ ته ئینم، ڤێجا چوو دهڤ و دیت یێ ب خهمه و سهرێ خۆ یێ شۆر كری و یێ ل مالا خۆ، وی ژی پرسیار ژێ كر: ته خێره؟ ثابتی ئهو تشتێ خراب یێ ب سهری هاتی بۆ گۆت؛ چونكی وی دهنگێ خۆ ل سهر دهنگێ پێغهمبهری (صهلات و سهلامێن خودێ ل سهر بن) بلند دكر، و خودایێ مهزن گهف ل وی كهسی كربوون یێ وێ كریارێ بكهت كو كریارێن وی پویچ ببن و ببیته ژ ئههلێ ئاگری! ئهو زهلام زڤڕی دهڤ پێغهمبهری (صهلات و سهلامێن خودێ ل سهر بن) و دهنگوباس پێ دا، پێغهمبهری ژی (صهلات و سهلامێن خودێ ل سهر بن) فهرمان پێ كر كو بزڤڕیته دهڤ ثابتی و مزگینییا هندێ بدەتێ كو ئهو نه ژ ئههلێ ئاگرییه، بهلكی ئهو ژ ئههلێ بهحهشتێیه، چونكی دهنگێ وی د بنیاتدا و ب خۆرستییا خۆ یێ بلند بوو و چونكی ئهو گۆتارخوینێ پێغهمبهری (صهلات و سهلامێن خودێ ل سهر بن) و گۆتارخوینێ ئهنصاران بوو.فوائد الحديث
دیاركرنا قهدر و بهایێ ثابتێ كورێ قهیسی (خودێ ژێ ڕازی بیت) و كو ئهو ژ ئههلێ بهحهشتێیه.
گرنگیدانا پێغهمبهری (صهلات و سهلامێن خودێ ل سهر بن) ب صهحابییان و پرسیاركرنا وی بۆ وان و لێگهڕیانا ل وان.
ترسا صهحابییان (خودێ ژ وان ڕازی بیت) ژ هندێ كو نهكو كریارێن وان پويچ ببن و ژ ناڤ بچن.
پێدڤیبوونا تۆره و ئهدهب و ڕێزگرتنێ د ئاخاڤتنێدا د گهل پێغهمبهری (صهلات و سهلامێن خودێ ل سهر بن) د ژیانا ویدا، و نزمكرنا دهنگی دهمێ گوھ ل سوننهتا وی دبن پشتی وهغهركرنا وی.
التصنيفات
Merit of the Companions