الشرح

پەروەردگاری بەرز وپیرۆز هەموو شەوێک لە سێیەکی کۆتایی شەودا دادەبەزێتە ئاسمانی دونیا، ودەفەرموێت: (کێ لێم دەپاڕێتەوە بۆ ئەوەی وەڵامی بدەمەوە؟ کێ داوام لێدەکات بۆ ئەوەی پێی ببەخشم؟، کێ داوای لێخۆشبوونم لێدەکات بۆ ئەوەی لێی خۆش ببم؟) واتە: پەروەردگار لەم کاتەدا لە شەو داوای لە بەندەکانی دەکات کە لێی بپاڕێنەوە وڕێنماییان دەکات بەم کردەوەیە، ئەو وەڵامی ئەوانە دەداتەوە کە لێی دەپاڕێنەوە، وداوایان لێدەکات کە هەرچیەکیان دەوێت داوا لە ئەو بکەن، ئەو دەبەخشێت بە ئەوانەی کە داوای لێدەکەن، وداوایان لێدەکات کە داوای لێخۆشبوون بکەن لە تاوانەکانیان چونکە ئەو لە بەندە ئیماندارەکانی خۆش دەبێت. ئەم دابەزینە بۆ ئاسمانی دونیا بە شێوەیەکە کە شایەنە بە شکۆداری خۆی، ولە دابەزینی دروستکراو وبوونەوەرەکان ناچێت، ونابێت واتای بەوە لێکبدرێتەوە کە دابەزینی ڕەحمەتەکەیەتی یان دابەزینی فریشتەکانە یان هەر لێکدانەوەیەکی تر، بەڵکو واجبە باوەڕمان وابێت کە خوای گەورە دادەبەزێتە ئاسمانی دونیا دابەزینێک کە شایەنی شکۆداری خۆیەتی، بێ گۆڕین واتاکەی وبێ پەکخستنی واتاکەی و بە بێ لێکدانەوەی چۆنییەتی دابەزینەکەی وبە بێ چواندنی بە دروستکراوەکانی، وئەمەش مەنهەجی ئەهلی سونە وجەماعەتە.