الشرح

کۆبوونەوە بۆ نوێژی جومعە ڕووداوێکی مەزنە وکۆبوونەوەیەکی فراوانی مسوڵمانانە کە لە هەموو شوێنێکی شارەکەوە دێن بۆ جێبەجێکردنی، وئەم ئامادەبوونە دەرخستنی دروشمەکانى ئیسلامە؛ بۆیە پێویستە هەرکەسێک بۆی دێت بە جوانترین شێوە وبۆن وپاکترین لاشە ئامادە دەبێت. هاوەڵان -ڕەزای خوایان لێبێت- لە سەرەتای ئیسلامدا هەژار بوون وجلی خورییان لەبەر دەکرد وخزمەتی خۆیانیان دەکرد، بۆیە ئامادەی جومعە دەبوون لە کاتێکدا جلەکانیان خۆڵ وتۆز وبۆنی ئارەقی لاشەی پێوە بوو، ومزگەوتەکە بچووک بوو بۆیە ئارەقکردنی لاشەیان زیاتر دەبوو ئەمیش دەبووە هۆی زیادبوونی بۆنی ناخۆش لە ناو مزگەوتەکەدا، بۆیە پێغەمبەر -صلى اللە علیە وسلم- فەرمانى کرد کە خۆیان بشۆن پێش هاتنیان بۆ نوێژی جومعە، بۆ ئەوەى لاشەیان بۆنی ناخۆش وئارەقی لێوە دەرنەچێت کە ئەمیش دەبێتە هۆی ئازاردانى نوێژخوێنان وفریشتە ئامادەبووەکان.