إعدادات العرض
Muumin rao ka sõmb n kisg muumin poak ye, a sã n kisg zʋgd a nengẽ, a na n yara zʋdg a to
Muumin rao ka sõmb n kisg muumin poak ye, a sã n kisg zʋgd a nengẽ, a na n yara zʋdg a to
Yii a Abʋʋ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋm (Wẽnd pʋʋsg la A tɩlgr be a yĩnga) yeelame-: «Muumin rao ka sõmb n kisg muumin poak ye, a sã n kisg zʋgd a nengẽ, a na n yara zʋdg a to» bɩ a yeelame «zẽnga».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी සිංහල Hausa Kurdî Kiswahili Português دری অসমীয়া ไทย Tiếng Việt አማርኛ Svenska Yorùbá Кыргызча ગુજરાતી नेपाली Oromoo Română മലയാളം Nederlands Soomaali پښتو తెలుగు Kinyarwanda ಕನ್ನಡ Malagasy Српски ქართულიالشرح
Nabiyaamã (Wẽnd pʋʋsg lɑ A tɩlgr be ɑ yĩngɑ) gɩdga raoa t'a wa tʋg n gẽ a paga, gẽeg ning sẽn talled-a t'a wẽg-a la a ball n bas-a; bala a ninsaala, b naan-a lame t'a yaa sẽn booge, a sã n kisg pagã zʋgd ninã sẽn yaa wẽnga, a na n mikame tɩ zʋg-sõng a to n be a nengẽ, t'a yard zʋg-sõng ning sẽn zems yẽ raabã, la a maan sugr ne yẽ sẽn ka yard zʋg-wẽngã, rẽ yɩta sababo, tɩ yẽ maan sugri n ka kisg pagã kisgr ninga a sẽn na n tʋg n tall t'a welg n bas-a wã.فوائد الحديث
A boonda Muumin n tʋg tẽeg-tɩrga la a bʋ ne a yamã, yõs-taab fãa sẽn na zĩnd yẽnda ne a pagã sʋka, la a ra wa kell n rat n na n tũ a yõor yamleoog la sũ-yikr nins sẽn na n wa sε wã ye.
Muumin sõmbame n ra wa kisg muumin poak kisgr zãng ye, halɩ n wa tʋg n welg-a, la bũmb ning sẽn sõmbe yaa bas tɩ loog yell ning yẽnda sẽn ka nong pagẽ wã.
Hadiisã kengdame tɩ b maan tũud-n-ta-sõngo maa vɩɩm-n-ta-sõng yi-kãadb a yiibã ne taab sʋka.
Lɩɩmaoongã wata ne zʋg-sõngo, rẽnd muumin raoa maa muumin poak ka bakd n ka tar zʋg-sõng ye; lɩɩmaoongã yaa tɩlae n maand tɩ zʋg-sõng zĩnd muumin raoẽ la muumin poakẽ.