Y ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa noang taaba, rẽ yĩnga, m ka na n wilg yãmb bũmbu, tɩ y sã n maan-a, y bʋʋda taab nonglem?: Sẽeg-y pʋʋsgã y ne taab zugu

Y ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa noang taaba, rẽ yĩnga, m ka na n wilg yãmb bũmbu, tɩ y sã n maan-a, y bʋʋda taab nonglem?: Sẽeg-y pʋʋsgã y ne taab zugu

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) ɑ yeelɑme: tɩ Wẽnd Tẽn-tʋʋmɑ (Wẽnd pʋʋsg lɑ A tɩlgr be ɑ yĩngɑ) ɑ yeelame: «Y ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa noang taaba, rẽ yĩnga, m ka na n wilg yãmb bũmbu, tɩ y sã n maan-a, y bʋʋda taab nonglem?: Sẽeg-y pʋʋsgã y ne taab zugu».

[Naṣʋn Ṣahɩɩhʋn (Gom-sikdem sẽn manege)] [A Muslim n togs-a]

الشرح

Nabiyaamã (Wẽnd pʋʋsg la A tɩlgr be a yĩngɑ) a vẽnegdame n wilgdẽ tɩ ad arzãnã ka na n kẽ-ɑ rẽndã sɩd-kõtbã, la lɩɩmɑoongã pɑ piti la lɩslaambã zãmã me ka manegde, hɑlɩ tɩ b wa nong taaba. Rẽ poorẽ tɩ Nabiyaamã (Wẽnd pʋʋsg la A tɩlgr be a yĩngɑ) tees tõndo n tʋg nonglemã sẽn na n pid ne yεl ninsã, yẽ me la sallemã sẽegr lɩslaambã ne taab sʋka, Wẽnd sẽn maan salllem ning tɩ yaa A yembsã ne taab pʋʋsgã.

فوائد الحديث

Arzãnã ka kẽede rẽnda ne sɩd-kũuni.

Sẽn be lɩɩmɑoongã (sɩd-kũunã) pidb pʋgẽ, yaa tɩ lɩslaam nong ne a ma-bi-taaga bũmb ning a sẽn nong ne a mengã.

B bʋʋ nonglem tɩ b sẽeg pʋʋsgã la b maan-a lɩslaambã ne taab sʋka, bala be ɑ pʋgẽ sẽn yɑɑ nonglem lɑ bɑs-m-yɑm sẽegre lɩslaambã ne taab sʋka.

Sallemã ka ningd tɩ sã n ka lɩslaam ye, ne Nabiyaamã (Wẽnd pʋʋsg la A tɩlgr be a yĩngɑ) koεεg sẽn yeele: "Yãmb ne taab sʋka".

Sallemã maanegã a zẽkda nebã welg taabã la b wãag taabã la b beemã ne taab sʋkã.

Hadiisã wilgdã nong-taabã yell sẽn ta zĩig ningã lɩslaambã ne taab sʋka, la a leb n yaa bũmb sẽn pidsd liimaoongo.

Waa hadiis a to pʋgẽ tɩ sallemã, a yeelgã sẽn pid n yɩɩda, yaa f sẽn na n yeele: Assalaamu ʿalaykum wa rahmatʋllaahɩ wa barakaatʋhʋʋ" la sekdame tɩ b yeele: "Assalaamu alaykum".

التصنيفات

Merits of Organs' Acts