إعدادات العرض
yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã
yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã
Yii a Abɩɩ Haazim ɭbn Diinaar nengẽ: Tɩ roap n wa a Sahl ɭbn Sa'ad Assaa'ɩdy nengẽ, n maand sik ne mimbarã (zao rʋʋdga), yaa ne bõe tɩɩg la b maan-a, tɩ b sok-a rẽnda, t'a yeele: m wẽen ne Wẽnd tɩ mam mii bũmb ninga b sẽn naan ne-a wã, mam yẽnda rẽenem raarã, Wẽnd Tẽn-ntʋʋma, -Wẽnd pʋʋsg la A tɩlgr be a yĩnga- sẽn zĩnd a zugu. Wẽnd Tẽn-tʋʋma, -Wẽnd pʋʋsg la A tɩlgr be a yĩnga- tʋmame tɩ kẽng paga zagl nengẽ -yɑɑ Mɑdĩin rãmbã pɑgɑ, a Sahl pʋdɑ ɑ yʋʋrã- tɩ b yeel-ɑ: «Sagl f tʋʋm biigã sẽn yaa ra-kɑɑdã (mininze) t'a maan raad n kõ- ma, tɩ m zĩndid a zugu, t'm sã n nɑ n gom ne nebã, tɩ paga kɩt t'ɑ mɑɑn-ɑ, t'a sɩd nɑ n maan-a ne ɑ Gɑɑbɑ ( Weoogẽ) tɩɩsã, n tall-a n wa, tɩ pɑgã tʋm tɩ b kẽng n-a Wẽnd Tẽn-tʋʋma -Wẽnd pʋʋsg la A tɩlgr be a yĩnga- engẽ, tɩ Nabiyaam yeel tɩ b ning-a zĩ-kãngã, rẽ loogr poorẽ, mɑm yẽnda Wẽnd Tẽn-ntʋʋma, -Wẽnd pʋʋsg la A tɩlgr be a yĩnga- t'a pʋʋs ɑ zugu n yet tɩ Allahʋ Akbarʋ t'ɑ be ɑ zugu, la a maan rukuu t'a be ɑ zugu, rẽ poorẽ t'a sig n tar n lebpoorẽ, m maan suguudã mimbara tẽgrẽ, rẽ poorẽ n le leb be, lɑ a sẽn wa n sε wãn a teesa nebã n yeele: "yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã".
الترجمة
العربية English မြန်မာ Svenska Čeština ગુજરાતી አማርኛ Yorùbá Nederlands اردو Bahasa Indonesia ئۇيغۇرچە বাংলা Türkçe සිංහල हिन्दी Tiếng Việt Hausa Kiswahili ไทย پښتو অসমীয়া دری Кыргызча Lietuvių Kinyarwanda नेपाली മലയാളം తెలుగు Bosanski Italiano ಕನ್ನಡ Kurdî Oromoo Română Soomaali Shqip Српски Українська Wolofالشرح
Raop n wa Sahaabsã ned a yembr nengẽ, n sokd-a Nabiyaamã mimbarã, Wẽnd Tẽn-ntʋʋma, -Wẽnd pʋʋsg la A tɩlgr be a yĩnga- sẽn da tllã, b maan-a lame ne bõe? Bɑlɑɑ b maana no-koeemd la b yõs taaba a zugu, tɩ Sahaabgã yeel-b tɩ Nabiyaamã -Wẽnd pʋʋsg la A tɩlgr be a yĩnga- tʋmame tɩ kẽng pag nengẽ, sẽn yaa "Al-ansaary" Madiin nebã, a rag n tara tʋʋm-biig sẽn yaa ra-kɑɑda, n yeel-a:" sagl f tʋʋm biigã t'a maan mimbar n kõ-ma tɩ m zĩndid a zug n gomd ne nebã", tɩ pagã sake, n sagl a tʋʋm biigã t'a maan mimbar n kõ Nabiyaamã -Wẽnd pʋʋsg la A tɩlgr be a yĩnga- sẽn yi Tʋrfaa' tɩɩga, a sẽn wa n sε wã, pagã tʋmam tɩ b kẽng ne-ɑ Nabiyaamã nengẽ -Wẽnd pʋʋsg la A tɩlgr be a yĩnga-, tɩ Nabiyaam kɩt tɩ b ning mimbarã a zĩigẽ wã miisrã pʋgẽ. Rẽ loogr poorẽ tɩ Nabiyaamã -Wẽnd pʋʋsg la A tɩlgr be a yĩnga- pʋʋs a zugu, n maan Allaahʋ Akbarʋ a zugu, n maan rukuu a zugu, rẽ poorẽ t'a sigi n leb poorẽ n ka wẽnemd a nengã ye, n maan suguud mimbarã yẽgrẽ rẽ poorẽ n lebg n dʋ. La ɑ sẽn wa n sε a Pʋʋsgã, a wẽnemdame n toglg nebã n yeele: yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã.فوائد الحديث
Wilgda b sẽn bʋ nonglem tɩ tõe rɩk zao rʋʋdga, tɩ limaamã rʋ a zugu, la a yõodã yaa taas nebã la wʋms nebã.
Wilgdame tɩ sakdame tɩ b pʋʋs zao rʋʋdgã zugu, sẽn na wilig nebã, a leb n wilgdame tɩ sakdame tɩ limaamã zẽk yĩngr n yɩɩd maa'muun-rãmbã tɩ tʋlsem sã n be beenẽ.
Sakdame tɩ b bõos sõngr ne nugã tʋʋm rãmbẽ, tɩ sã n yaa sẽn na n maneg lɩslaambã tʋlsem-rãmba.
Rãmbʋg bilf sakda Pʋʋsgã pʋgẽ, tɩ tʋlsem sã n be beenẽ.
Sakdame tɩ sẽb be-b poorẽ wã ges limmamã Pʋʋsgã pʋgẽ; sẽn na paam n rɩk bãngr a nẽngẽ, la rẽnda ka bũmb sẽn kɩɩsd Wẽnd zoεεgã ye.
التصنيفات
Method of Prayer