الشرح

လူသားတို့အား သနားကြင်နာမှု မရှိသူကို အလ္လာဟ်အရှင်မြတ်ကလည်း သနားကြင်နာတော်မူမည် မဟုတ်ပေ။ လူသားဟူသည့် စကားလုံး၏ ဆိုလိုရင်းသည် သနားကြင်နာမှု ထားရှိရမည့်သူများဖြစ်သည့် မုအ်မင်န် သက်ဝင်ယုံကြည်သူများ၊ မွတ်စ်လင်မ်တို့၏လက်အောက်၌ အခွန်ပေး၍ နေထိုင်ကြသော ဘာသာခြားများနှင့် ၎င်းတို့ကဲ့သိုသော အခြားသူများ စသည်တို့ကို ဆိုလိုသည်။ သို့သော် (မွတ်စ်လင်မ်တို့နှင့်) စစ်မက်တိုက်ခိုက်ကြသော ကာဖိရ် သွေဖည်ငြင်းပယ်သူများကိုမူ သနားကြင်နာရန် မလိုအပ်သည့်အပြင် ၎င်းတို့အား စစ်တိုက်ရမည်ပင်ဖြစ်သည်။ အဘယ်ကြောင့်ဆိုသော် အလ္လာဟ်အရှင်မြတ်သည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)နှင့် ဆွဟာဗဟ် သာဝကကြီးများ၏ အရည်အချင်းနှင့် ပတ်သက်၍ မိန့်ကြားထားတော်မူသည်မှာ (‘ကာဖိရ်’ သွေဖည်ငြင်းပယ်သူတို့နှင့် ပတ်သက်လျှင် ပြင်းထန်သူများဖြစ်ကြပြီး မိမိတို့အချင်းချင်း(ဆက်ဆံရာတွင်)သနားကြင်နာသူများပင် ဖြစ်ကြကုန်၏။) စူရဟ် ဖသ်ဟ် (၄၈း၂၉)