فوائد الحديث

लजाउनु उच्चाचरणको जरो हो ।

लजाउनु सन्देष्टाहरूको (उनी माथि शान्ति होस) विशेषताहरू मध्ये एक हो, र यो उनीहरूको भनाइहरू मध्ये हो ।

लजाउनु यस्तो चिज हो जसले मुसलमानको व्यक्तित्वलाई सोभायमान बनाउने कामहरूमा उत्प्रेरित गर्छ र यस्ता कामहरूबाट पर राख्छ जसले उसको व्यक्तित्वलाई कलङ्कित गर्छ ।

इमाम नववी (रहिमहुल्लाह)ले भन्नु भएको छ : यसमा आदेश अनुमतिमा आधारित छ । यसको अर्थ: यदि तपाइँ केही गर्न खोज्दै हुनु हुन्छ र यदि त्यो काममा तपाइँलाई अल्लाह तआला र मानिसहरूबाट गर्न लाज मान्नु पर्ने छैन भने, त्यो काम गर्न फरक परेन । अन्यथा, नगर्नु होस्, र यसैमा इस्लामको आधार रहेको छ, यसलाई यसरी बुझ्नु होस् कि जो वाजिब र मुस्तहब काम गर्न आदेश र नसीहत गरिएको छ त्यसलाई नगर्दा लाज लाग्नु पर्छ र जो कुरा अवैध र निषेध (हराम) गरिएको छ त्यसलाई गर्नमा लाज मान्नु पर्छ । जो कामहरू गर्न जायज छन्, तिनमा गर्नमा लजाउन पनि जायज छ र न गर्नमा लजाउन पनि मिल्छ । यसरी यो हदीसको दायरामा पाँचै हकुमहरू समावेश भए, केही मानिसहरूको भनाइ अनुसार यो हदीसमा दिइएको आदेश धम्कीपुर्ण पनि छ कि यदि तिमीमा लाज भएन भने, तिमीले जे जे मन लाग्छ गरे हुन्छ ; अल्लाहले तिमीलाई यसमा अवश्य सजाय दिनु हुनेछ, र केही को यो भनाइ पनि छ कि : यो हदीसमा "आदेश" खबर दिनका लागि हो । अर्थात् जसलाई लाज बाधक बनेन त्यो जे मनमा लाग्छ गर्दै हिँड्छ ।