إعدادات العرض
Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!
Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!
Yii ɑ Abɩɩ Mɑs'ʿʋʋd nengẽ (Wẽnd yard be a yĩnga) ɑ yeelɑme: Nɑbiyɑɑmã yeelɑme (Wẽnd pʋʋsg la A tɩlgr be a yĩnga): «Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!"».
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी Hausa Kurdî Português සිංහල Русский Nederlands অসমীয়া Tiếng Việt Kiswahili ગુજરાતી پښتو አማርኛ Oromoo ไทย Română മലയാളം Malagasy नेपाली Deutsch Кыргызча తెలుగు ქართული Magyarالشرح
Nabiyaamã kõo kibare (Wẽnd pʋʋsg la A tɩlgr be a yĩngɑ) tɩ ad bũmb ninga sẽn wa rẽenem nabiyaam-rãmbã saglg pʋgẽ, tɩ nebã taas-a bãmb ne taab sʋka, tɩ zama wʋsg reeg a kibayã, yʋʋm kobs kobs poorẽ, halɩ t'a wa tʋg n ta Zãmã-kãngã rẽenem rãmba: ges fo sẽn rat n maan bũmb ningã, sã n mik tɩ yãnd ka be a pʋgẽ, bɩ f maan-a, la sã n mikame tɩ yãnd be a pʋgẽ bɩ f bas-a. La ad bũmb ning sẽn gɩdgd wẽng tʋʋmde yaa yãn-zoεεga, rẽnd ned ning sẽn ka zoeta yãnde, a bõrda a mengã yel-wẽng la yel-kiti maaneg pʋgẽ.فوائد الحديث
Wilgdame tɩ yãn-zoεεga a yaa zʋg-wagell yẽgre.
Yãn-zoεεg yaa sɩf sẽn yi nabiyaam-rãmbã sɩf-rãmbẽ, a yaa bũmb b sẽn mik b nengẽ.
Yaa yãn-zoeerã n kɩt tɩ ned sẽn yaa lɩslaam maan neere, la a basd rẽgd la paoor tʋʋmde.
A An-Nawawy yeelame: bee saglgã pʋgẽ sor kũuni, rat n yeele: f sã n rat n maan yelle, a sã n yɩɩme tɩ fo ka zoet a yãnd Wẽnd nengẽ la nebã nengẽ, bɩ f maan-a, sã n ka rẽ bɩ f ra maan ye, la yaa yãwã la lɩslaamdã gilgda, la woto teesgo yaa tɩ bũmb ninga b sẽn sagl tɩ yaa waagibã (tɩlae wã) la b sẽn bʋ nonglem a maanegã b zoeta yãnd ne b basgo. La bũmb ninga b sẽn gɩdgã, sẽn yaa haraamã la b sẽn kisgã b zoeta yãnd ne b maanego, la sã n yaa yεl nins b sẽn pa gɩdg tɩ b maan-a wã zoe yãnd n pa maan-a wã sakdame, a basba me sεgdame. Tɩ hadiisã gũbg Bʋʋd a nu wã, la sãnda yeelame: yaa bugsg saglga, la a maanã wã: b sã n võog yãnd n yi foom bɩ f maan f sẽn rate, tɩ ad Wẽnd na n yaoo foom a zugu. Tɩ sãnda yeele: T'a yaa saglg t'a maanã wã yaa kibar togsgo, rat n na n yeele: ned ning sẽn ka zoeta yãnde a maanda a sẽn rate.
التصنيفات
Praiseworthy Morals