إعدادات العرض
((ئه‌وا خه‌لك ڤێڕا گه‌هشتی ژ گۆتنا پێغه‌مبه‌رێن ده‌ستپێكێ (ئه‌ڤ تشته ژ گۆتنا وان پێغه‌مبه‌ران یا بۆ مایه‌ڤه و هنده‌كان ژ هنده‌كێن دی یا ڤه‌گێڕای)،…
((ئه‌وا خه‌لك ڤێڕا گه‌هشتی ژ گۆتنا پێغه‌مبه‌رێن ده‌ستپێكێ (ئه‌ڤ تشته ژ گۆتنا وان پێغه‌مبه‌ران یا بۆ مایه‌ڤه و هنده‌كان ژ هنده‌كێن دی یا ڤه‌گێڕای)، ئه‌ڤه‌یه كو ئه‌گه‌ر ته شه‌رم نه‌كر؛ تشتێ ته دڤێت بكه))
ژ ئبن مه‌سعوودی (خودێ ژ هه‌ردووكان ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت: ((ئه‌وا خه‌لك ڤێڕا گه‌هشتی ژ گۆتنا پێغه‌مبه‌رێن ده‌ستپێكێ (ئه‌ڤ تشته ژ گۆتنا وان پێغه‌مبه‌ران یا بۆ مایه‌ڤه و هنده‌كان ژ هنده‌كێن دی یا ڤه‌گێڕای)، ئه‌ڤه‌یه كو ئه‌گه‌ر ته شه‌رم نه‌كر؛ تشتێ ته دڤێت بكه)).
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी Hausa Kurdî Português සිංහල Русский Nederlands অসমীয়া Tiếng Việt Kiswahili ગુજરાતી پښتو Română മലയാളം नेपाली Deutsch Кыргызча తెలుగు ქართული Moore Magyar Svenska Македонски ಕನ್ನಡ Українська Kinyarwanda Oromoo ไทย Lietuvių Српски मराठी ਪੰਜਾਬੀ دری አማርኛ Malagasy ភាសាខ្មែរ O‘zbek தமிழ் Azərbaycan Wolof Čeština Shqip тоҷикӣ msالشرح
پێغەمبەری (صەلات و سەلامێن خودێ ل سەر بن) به‌حسێ هندێ كر كو ئێك ژ وان شیره‌تێن ژ پێغه‌مبه‌رێن به‌رێ هاتییه ڤه‌گوهاستن و خه‌لكی ژی د ناڤ خۆدا به‌حسكری و چه‌رخ بۆ چه‌رخی بۆ یێن ب دویڤ خۆدا ڤه‌گوهاستی، هه‌تا گه‌هشتییه ڤێ ئوممه‌تێ، ئه‌ڤه‌یه كو تو به‌رێ خۆ بده وی كارێ ته دڤێت بكه‌ی؛ ئه‌گه‌ر ئه‌و تشت ژ وان تشتان بیت یێن چ شه‌رم د كرنا ویدا نینه؛ هنگی بكه، به‌لێ ئه‌گه‌ر ژ وان تشتان بیت یێن شه‌رمه مرۆڤ بكه‌ت؛ هنگی نه‌كه و خۆ ژێ بده پاش، ڕێگریكرنا ڤان كارێن كرێت ژی شه‌رم و حه‌یائه، ڤێجا ئه‌گه‌ر كه‌سه‌كی شه‌رم و حه‌یاء ل ده‌ڤ نه‌ما؛ دێ چیته د ناڤ هه‌می كارێن خراب و كرێتدا و خۆ ژ چ تشتان ناده‌ته پاش.فوائد الحديث
شه‌رم بنیاتێ ڕه‌وشتێ باشه.
شه‌رم ئێكه ژ سالۆخه‌تێن پێغه‌مبه‌ران (سلاڤ ل سه‌ر هه‌مییان بن) و ئه‌و ژ وان تشتانه یێن ژ وان هاتینه ڤه‌گوهاستن و بۆ مه ماین.
شه‌رم ئه‌و تشته یێ وه ل مرۆڤێ موسلمان دكه‌ت وی كارێ ئه‌و پێ جوان و تازه دبیت بكه‌ت و وی كارێ ئه‌و پێ كرێت و پیس دبیت ژی بهێلیت و نه‌كه‌ت.
نه‌وه‌وی دبێژیت: ئه‌و فه‌رمانا د فه‌رمووده‌یێدا هاتی بۆ دروستی و حه‌لالییێیه (ئانكو موباحه نه‌كو واجب بیت) و بۆ وێ ڕامانێ دهێت، ئانكو: ئه‌گه‌ر ته ڤیا تشته‌كی بكه‌ی؛ هنگی به‌رێ خۆ بدێ ئه‌گه‌ر كرنا وی كاری ژ وان تشتان نه‌بیت یێن دێ بیته ئه‌گه‌رێ شه‌رمێ ل به‌رامبه‌ری خودێ و خه‌لكی؛ وی ده‌می بكه، ئه‌گه‌ر نه ژی بهێله و نه‌كه، ئیسلام ژی ل سه‌ر ڤێ چه‌ندێ دچیت، به‌ڵگه و ئاراسته‌كرنا ڤێ چه‌ندێ ژی ئه‌ڤه‌یه كو تشتێ فه‌رمان پێ هاته كرن واجبه و سوننه‌ت ئه‌وه یێ مرۆڤ شه‌رم دكه‌ت نه‌كه‌ت، تشتێ پاشڤه‌برن ژێ هاته كرن حه‌رامه و مه‌كروھ ئه‌وە یێ مرۆڤ شه‌رم دكه‌ت بكه‌ت، هندیكه موباح و حه‌لاله ژی؛ شه‌رم د ڤێرێدا بۆ كرن و نه‌كرنا وێ تشته‌كێ دروسته و چ جوداهی نینه، ب ڤێ چه‌ندێ ژی فه‌رمووده‌یێ هه‌ر پێنج حوكم ب خۆڤه گرتن. هاتییه گۆتن ژی: ئه‌و فه‌رمانه‌كه ب ڕامانا گه‌فكرنێ، و ڕامانا وێ ئه‌ڤه‌یه: ئه‌گه‌ر ته شه‌رم نه‌ما؛ تشتێ ته دڤێت بكه، چونكی خودێ دێ ته سه‌را هندێ سزا ده‌ت، دیسان هاتییه گۆتن: ئه‌و فه‌رمانه‌كه ب ڕامانا ده‌نگوباسدانێ، ئانكو: هه‌ر كه‌سێ شه‌رم نه‌كه‌ت؛ تشتێ دڤێت دێ كه‌ت.