إعدادات العرض
Jechoota namoonni Nabiyyummaa isa jalqabaa irraa dhaqqaban keessaa tokko: Yoo qaanfachuu baatte wanta barbaadde raawwadhu
Jechoota namoonni Nabiyyummaa isa jalqabaa irraa dhaqqaban keessaa tokko: Yoo qaanfachuu baatte wanta barbaadde raawwadhu
Abuu Mas'uud irraa akka odeeffametti Rabbiin irraa haa jaallatu akkana jedhe: Nabiyyiin -nagaa fi rahmanni irra haa jiraatu- akkana jedhan: «Jechoota namoonni Nabiyyummaa isa jalqabaa irraa dhaqqaban keessaa tokko: Yoo qaanfachuu baatte wanta barbaadde raawwadhu».
الترجمة
العربية বাংলা Bosanski English Español فارسی Français Bahasa Indonesia Tagalog Türkçe اردو 中文 हिन्दी Hausa Kurdî Português සිංහල Русский Nederlands অসমীয়া Tiếng Việt Kiswahili ગુજરાતી پښتو አማርኛالشرح
Nabiyyiin -nagaa fi rahmanni irra haa jiraatu- waan dhaamsi Nabiyyoota darban irraa keessatti dhufee, namoonni of giddutti waliif dabarsaa turan, Hanga jalqaba ummata kanaa gahutti dhaloota eega dhalootatii walirraa dhaalaa turan keessaa: Waan gochuu barbaaddu ilaali, waan irraa hin qaanfatamne yoo ta'e isa hojjadhu, waan irraa qaanfatamu irraa yoo ta'e immoo ofirraa isa dhiisi; Hojii badaa dalaguu irraa kan nama dhoorgu qaanii qabaachu waan ta'eef jecha, Namni qaanii hin qabne, safuu fi dalagaa xuraa’ummaa fi badii hundumaatti of kenna.فوائد الحديث
Qaanii qabaachuun ka'umsa haala gaariiti.
Qaanii qabaachuun amaloota Nabiyyootaa -nagaan irra haa jiraatu- keessaa isa tokkoodha, kun waan isaan irraa dhufeedha.
Qaanii jechuun isa nama muslimaa tokko waan bareedaa fi miidhagaa akka hojjetu, waan xureessuu fi fokkisisu akka dhiisu isa godhuudha.
Nawawiin akkana jedhe: Ajajni Hadiisicha keessatti dhufe ni hayyamama jechuufi, jechuunis: Yoo waan tokko hojjechuu barbaadde, waan Rabbii fi namoota duratti hojjechuu hin qaanofne yoo ta'e isa hojjedhu, akkas ta'uu baannan ofirraa dhiisi jechuudha, kun immoo adeemsa Islaamaati, Sababni kanaas wanti itti ajajamu kan dirqamaa fi waan dalagamuuf gorfamu dhiisuu irraa ni qaanfatama, waan irraa dhoorgame haraama fi jibbamaa hojjachuu isaa irraa qaanfatama, waan eeyyamamaa ta’e immoo raawwachuus ta'ee dhiisuun isaa ni eeyyamama, kanaaf Hadiisni kun murtiiwwan shanan hammateera. Akkasiis jedhame: ajaja bifa sodaachisaan dhufeedha, jechuunis: Yoo safuun si irraa mulqame waan barbaadde raawwadhu, Rabbiin garuu irratti si herraga, akkasis jedhame: Ajaja bifa oduutin dabarfame, jechuunis: namni hin qaanofne waan fedhe hojjeta jechuu dha.
التصنيفات
amala gaarii