1- Ned sã n nong ɑ to, bɩ ɑ togs-ɑ t'ɑ nong-ɑ lɑme

2- Wẽnd nɑ yols nedɑ, sẽn yɑɑ bɑs-tɩ-loog t'ɑ sã n nɑ n koose, lɑ ɑ sã n nɑ n dɑ, lɑ ɑ sã n nɑ n sok ɑ sɑmde

3- Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do

4- Ad Wẽnd maaname tɩ yaa tɩlae tɩ b maneg n tʋg bũmb fãa gilli

5- Ra gẽ ye

6- Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaaan Naabã rɩtg wεεngẽ, la A Nus a yiibã fãa rag n yaa rɩtgo

7- Ra wa tʋg n paoog manegr ye, baa tɩ fo na n sega f ma-bi taag ne neng sẽn yõgemde

8- Ad raood ka yõk-n-lub ye, la ad pãng soaba yaa ned ning sẽn tõe n yõk a menga a gẽeg sasa

9- Ned ning sẽn wa n wilg sõma zĩigã, a tara yel-sõmb wala sõmã wã maand bilgri

10- Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi

11- Ned ning sẽn ka yolsda nebã, Wẽnde, A Naam yɩ wagell n zẽka, A ka yolsd-a ye

12- B soka Wẽnd Tẽn-tʋʋm, -Wẽnd pʋʋsg la A tɩlgr be a yĩnga- bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo

13- Yãn-zoεεg bee liimaoong pʋgẽ

14- Ned sã n zab n sõng a ma-bi taag burkĩnd lillgri, Wẽnd na n tusa a nengã n yi Bigmã yikr raarã

15- Ad Wẽnd nonga yamba, sẽn yaa Wẽnd zoεta, sẽn yaa sek-m-meng soaba, sẽn yaa gãneg-m-meng soaba

16- Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã

17- Ad bʋg-bʋg ka zĩndid bũmb pʋgẽ rẽndame t'a nags-a, b ka kongd-a bũmb pʋgẽ me rẽndame t'a zang-a

18- Ad muumin paamdame sẽn tũ ne a zʋg-sõngã, no-loεt dargε sẽn yãs ne Wẽnd tũudmã

19- Ad sẽn be yãmb nin-tũusdsã pʋgẽ, yaa sẽn yɩɩd-b yãmb ne zʋg-sõngo

20- Yols-y la y ra keng ye, la y noog nebã sũy la y ra yεεs-b ye

21- Yolsdbã, Arrahmaan Naab na n yols-b lame, yols-y sẽn be b tẽngã, tɩ sẽn be a saasẽ wã na n yolsa yãmba