الشرح

“Të mëshirshmit” janë ata që tregojnë mëshirë për ata që janë në Tokë, qofshin njerëz, qofshin kafshë, janë të respektuar me dhembshuri, dashamirësi dhe ngushëllim. "do t'i mëshirojë i Gjithëmëshirshmi." E, në saje të kësaj mëshire është se u bën mirë dhe u jep të mira atyre, kësisoj shpërblimi është sipas llojit të veprës. "Mëshirojini banorët e Tokës", ka ardhur në formën e përgjithshme, për të përfshirë të gjitha llojet e krijesave, kështu që ai ka mëshirë për të devotshmin, të prishurin, kafshët dhe zogjtë. "do t'ju mëshirojë Ai që është mbi qiell", pra, Allahu i Lartëruar, që është mbi qiej, të mëshiron ty. Nuk lejohet të interpretohet se ajo që është në qiej është është për qëllim pushteti i Tij dhe gjëra të tjera, sepse lartësimi i Allahut mbi krijesat e Tij është i vërtetuar me Kuran, Sunet dhe në konsensusin e umetit. Me thënien tonë: "Allahu është në (ar. fij) qiell", nuk është se qielli e përfshin Atë dhe se Ai është brenda tij. I Lartësuar është Allahu nga kjo gjë! Por kuptimi i parafjalës "në" (ar. fij) në këtë rast ka kuptimin "mbi" (ar. 'ala). Respektivisht; mbi qiej, i lartësuar mbi të gjithë krijesat e Tij.