إعدادات العرض
तिमीहरूले सत्य बोल्नु पर्छ, किनकि सत्यले धर्मको बाटो देखाउँछ र धार्मिकताले पक्कै स्वर्गमा पुर्याउँछ ।
तिमीहरूले सत्य बोल्नु पर्छ, किनकि सत्यले धर्मको बाटो देखाउँछ र धार्मिकताले पक्कै स्वर्गमा पुर्याउँछ ।
अब्दुल्लाह बिन मसऊद (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ : "तिमीहरूले सत्य बोल्नु पर्छ, किनकि सत्यले धर्मको बाटो देखाउँछ र धार्मिकताले पक्कै स्वर्गमा पुर्याउँछ । मानिस सधैं सत्य बोल्छ र सत्यको खोजीमा रहन्छ, यहाँसम्म ऊ अल्लाहको नजिक सिद्दीक (सत्यवान) लेखिन्छ । तिमीहरू झूट बोल्नबाट जोगिनुपर्छ, किनकि झूटले पापको बाटो देखाउँछ र पापले नरकमा लैजान्छ । मानिस सधैं झूट बोल्छ र झूटको खोजीमा रहन्छ, यहाँसम्म ऊ अल्लाहको नजिक झूठो घोषित गरिन्छ ।
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Kurdî Português தமிழ் አማርኛ অসমীয়া Kiswahili ગુજરાતી Nederlands پښتوالشرح
नबी (सल्लल्लाहु अलैहि वसल्लम) ले सत्य बोल्न आदेश दिनुभएको छ; किनकि सत्यले असल कर्मको बाटो देखाउँछ र धार्मिकताले असल काममा अडिग रहने व्यक्तिलाई स्वर्गमा पुर्याउँछ भनी उहाँले बताउनुभयो । मानिस वाह्य तथा आन्तरिक रूपमा सधैं सत्यवान र इमानदार रहिरहन्छ, यहाँसम्म उ 'सिद्दीक' को उपमा पाउँछ; सिद्दीक भनेको इमानदारीको उच्च स्थान हो । त्यसपछि उहाँले झूट र झूट बोल्ने विरुद्ध चेतावनी दिनुभयो; किनभने यसले मानिसलाई निष्ठाबाट टाढा लैजान्छ, दुष्टता, भ्रष्टाचार र पाप गर्न उत्प्रेरित गर्छ र त्यसपछि नरकमा लैजान्छ । मानिस अझै धेरै झूट बोल्छ, यहाँसम्म ऊ अल्लाहको नजिक झूठो घोषित गरिन्छ ।فوائد الحديث
सत्यता र इमानदारीता एक उत्कृष्ट चरित्र हो जुन प्रयासबाट प्राप्त हुन्छ । मानिस सधैं सत्य बोल्छ र सत्यको खोजीमा रहन्छ, यहाँसम्म इमानदारी उसको लागि एक प्राकृतिक गुण भैहाल्छ र अल्लाहको नजिक सिद्दीक (सत्यवान) लेखिन्छ ।
झूट बोल्नु एक निन्दनीय चरित्र हो जुन अपराधीले लामो अभ्यास र गलत व्यवहारबाट प्राप्त गर्दछ, यहाँसम्म यो उसको लागि एक प्राकृतिक र सामान्य गुण भैहाल्छ र अल्लाहको नजिक ऊ झूठो घोषित गरिन्छ ।
इमानदारी भन्नाले जिब्रोको इमानदारीलाई बुझाउँछ, जुन झूटको विपरीत हो । नियतमा इमानदारी भनेको निष्ठा र मात्र अल्लाहको लागि गर्नु हो । इरादाको इमानदारी भनेको असल कुराको नियत गर्नु र आफ्नो काममा इमानदार हुनुपर्छ र कमसेकम मानिसको भित्र र बाहिर दुवै समान हुनुपर्छ र डर, आशा र अन्य मामिलाहरूमा इमानदार हुनुपर्छ । जसमा यी विशेषताहरू छन् भने ऊ सिद्दीक (सत्यवान) हो र यसका केही अंश मात्र हो भने ऊ सादिक (इमानदार) हो ।
التصنيفات
राम्रो आचरण