إعدادات العرض
دەستبگرن بە ڕاستگۆییەوە، چونکە ڕاستگۆیی ڕێنیشاندەرە بەرەو چاکەکاری، وچاکەکاری ڕێنیشاندەرە بەرەو بەهەشت
دەستبگرن بە ڕاستگۆییەوە، چونکە ڕاستگۆیی ڕێنیشاندەرە بەرەو چاکەکاری، وچاکەکاری ڕێنیشاندەرە بەرەو بەهەشت
لە عبداللەی کوڕی مەسعودەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «دەستبگرن بە ڕاستگۆییەوە، چونکە ڕاستگۆیی ڕێنیشاندەرە بەرەو چاکەکاری، وچاکەکاری ڕێنیشاندەرە بەرەو بەهەشت، وکەسێک ڕاستگۆیە وبەردەوام بە دواى ڕاستگۆییدا دەگەڕێت؛ هەتا لای خواى گەورە بە ڕاستگۆ لە قەڵەم دەدرێت، وئاگاداری درۆ کردن بن، چونکە درۆ کردن ڕێنیشاندەرە بەرەو خراپەکاری، وخراپەکاری ڕێنیشاندەرە بەرەو دۆزەخ، وکەسێک درۆزنە وبەردەوام بەدواى درۆدا دەگەڕێت؛ هەتا لای خواى گەورە بە درۆزن لە قەڵەم دەدرێت».
[صەحیحە] [بوخاری و موسلیم هاوڕان لەسەری]
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Hausa Português தமிழ் አማርኛ অসমীয়া Kiswahili ગુજરાતી Nederlands پښتو नेपाली മലയാളം Svenska ไทยالشرح
پێغەمبەر -صلى اللە علیە وسلم- ئامۆژگاری کردووە بە ڕاستگۆیی لە هەموو کات وحاڵەتێکدا چونکە بەرهەمی سوودبەخشی هەیە لە دونیا وقیامەتدا، ڕاستگۆیی بناغەی چاکەکارییە کە ئەمیش ڕێگایەکە بەرەو بەهەشت، وئەو کەسەی کە ڕاستگۆیە وبەردەوام بەدواى ڕاستگۆیدا دەگەڕێت لە ڕاستگۆیان دەنووسرێت لای خواى گەورە، وئەمیش ئاماژەیە بۆ ئەوەى کە ئەم کەسە کۆتا ساتەکانى ژیانی لە سەر چاکە دەمرێت (-حسن الخاتمة-ی بۆ دەبێت) وپارێزراو دەبێت لە سزادان. وپێغەمبەر -صلى اللە علیە وسلم- ئاگاداری داوە لە درۆکردن وزیانی درۆ کردن وسەرەنجامی خراپی ڕوونکردووەتەوە، درۆ کردن بنچینەى خراپەکارییە کە ئەمیش ڕێگایە بەرەو دۆزەخ.التصنيفات
ڕەوشتە جوانەکان