إعدادات العرض
Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye
Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye
Yii a An-Nawwaas ɭbn Sam'aan Al-Ansaariy nengẽ (Wẽnd yard be a yĩnga) a yeelame: M soka Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) manegr la zũnuub tʋʋm sẽn yaa bũmb ninga, t'a yeele: «Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».
الترجمة
العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Hausa Kurdî Português සිංහල Русский Nederlands Tiếng Việt অসমীয়া ગુજરાતી Kiswahili پښتو മലയാളം नेपाली Magyar ქართული తెలుగు Македонски Svenska Românăالشرح
B soka Nabiyaamã (Wẽnd pʋʋsg la A tɩlgr be a yĩngɑ) manegr la zũnuub yelle, t'a yeele: Tɩ manegr yell bedr sẽn wa n tʋg n yɩɩde, yaa maan zʋg-sõng ne Wẽnd zoεεga, la tõog f meng n reeg f zʋgẽ nangã bõn-naandsã nengẽ, la gẽegã boogre, la neng-yʋgengo, la gom-sõmse, la tõkre, la Wẽnd tũudum la lom-lome, la manegr la vɩt-n-taare, la tũud-n-ta-sõngo. La sã n yaa zũnuubã, yẽnda yaa yell ning sẽn keoosd fo sũurẽ wã, sẽn yaa yel-gẽtse la tarbo, tɩ fo yãoogã ka yalgd ne-a ye, tɩ fo sũurẽ wã sik be beenẽ, tɩ fo yεεsd t'a tõe n yaa zũnuuba, la fo ka rat n na n vẽneg-a a sẽn yaa wẽngã yĩngã tɩ nebã wa bãnge, b yaals la b tɩrse. La rẽnda yaa tɩ yõorã minimame (a rog-ne) yaa tɩ nebã bãng bũmb ning sẽn yaa sõmã wã, rẽnd a sã n kisg n ka rat tɩ b bãng a tʋʋmã sãnda, yẽnda yaa beegr tʋʋmde, sõma ka a pʋgẽ ye.فوائد الحديث
Kengdame n wilgdẽ tɩ b maan zʋg wagla, bala zʋg-sõngã a bee manegrã yel-bεdã pʋgẽ.
Sɩdã la zĩri wã b yiibã yembr ka gẽdgd ne muumin ye, rẽnd b bãngda sɩdã ne vẽenem ning sẽn be a sũurẽ wã, la a zoet n zãag zĩri-beedo n leb n kisgd-a.
Sẽn be zũnuubã tagmas pʋgẽ yaa sũurã sẽn na n yεεsd n ka rat n maan-a , tɩ yõorã kis n ka rat tɩ ned bãng-a.
A As-sindiy yeelame (Wẽnd na yols-a): yãwã yaa yel-gĩti nins nebã sẽn ka mi b welg a pʋgẽ, rẽnd sãri wã sẽn sagl bũmb ningã, baa tɩ dalill ka vẽeneg a pʋgẽ, rẽ yõsga rẽnda, bala a yaa manegre, la a sẽn leb n gɩdg bũmb ningã yaa woto bala, a yaa zũnuuba, tʋlsem ka be f sẽn na n ges sũurã ne a yõgneg ye.
B sẽn gomd ne neb nins hadiisã pʋgẽ wã, yaa Fɩtrã (rog-ne) wã sẽn yaa yɩlenga, ka neb nins sẽn rẽgem n lebg tulli, n ka leb n mi manegre la b ka kisd wẽngã ye, sã n ka bũmb ning sẽn zemsd b yõyã yamleoodã.
A At-Tiibiy yeelame (Wẽnd na yols-a): b sẽn yeel tɩ manegrã hadiisã pʋgẽ wã, b wεls-a lame ne maanã wʋsgo, rẽnd zĩis sãnda b yeelame tɩ yaa bũmb ning yõorã sẽn yõgend ne, tɩ sũurã yõgend ne wã, tɩ zĩis sãnda tɩ b yeel tɩ yaa sɩd-kũuni, la zĩis sãnda tɩ yaa bũmb ninga a sẽn pẽnegd ne Wẽnde, la kaanẽ b yeelame tɩ yaa zʋg-sõngo, la b welga zʋg-sõngã me tɩ yaa fo sẽn na n tõog f menga ne nangã la f boog gẽega, la no-yõgengo la gom-sõngo, la b fãa gillã yaa maana-rãmb sẽn pẽ taaba.