إعدادات العرض
((باشی ڕه‌وشتێ جوانه، خرابی ژی ئه‌و تشته یێ د سینگێ ته‌دا بهێت و بچیت و ته پێ نه‌خۆش بیت خه‌لك پێ ئاگه‌هدار بن
((باشی ڕه‌وشتێ جوانه، خرابی ژی ئه‌و تشته یێ د سینگێ ته‌دا بهێت و بچیت و ته پێ نه‌خۆش بیت خه‌لك پێ ئاگه‌هدار بن
ژ نه‌وواسێ كوڕێ سه‌معانێ ئه‌نصاڕی (خودێ ژێ ڕازی بیت) گۆت: من ده‌رباره‌ی باشی و خرابییێ پرسیار ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) كر، ئینا گۆت: ((باشی ڕه‌وشتێ جوانه، خرابی ژی ئه‌و تشته یێ د سینگێ ته‌دا بهێت و بچیت و ته پێ نه‌خۆش بیت خه‌لك پێ ئاگه‌هدار بن)).
الترجمة
العربية বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Hausa Kurdî Português සිංහල Русский Nederlands Tiếng Việt অসমীয়া ગુજરાતી Kiswahili پښتو മലയാളം नेपाली Magyar ქართული తెలుగు Македонски Svenska Moore Română Українська ไทย ಕನ್ನಡ मराठी ਪੰਜਾਬੀ دری አማርኛ ភាសាខ្មែរ Lietuvių O‘zbek Malagasy Yorùbá தமிழ் Azərbaycan Oromoo Wolof Čeština Кыргызча Kinyarwanda Српски Shqip тоҷикӣ ms Deutschالشرح
ده‌رباره‌ی باشی و گونه‌هێ پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) هاته كرن، وی گۆت: مه‌زنترین خه‌سله‌تێن باشییێ ڕه‌وشتێ جوانه د گه‌ل خودێ ب ته‌قوا و ترسا ژ وی و د گه‌ل خه‌لكی ب خۆلبه‌رگرتن و هه‌داركێشانا ل سه‌ر نه‌خۆشییا ژ وان دهێت و كێم تووڕه‌بوونێ و ڤه‌كرنا ناڤچاڤان و گڕنژین و ئاخڤتنا جوان و گه‌هاندنا په‌یوه‌ندییێن مرۆڤاینییێ و گوهدان و باشی و چاكی و ژیانكرن ب ڕه‌نگه‌كێ جوان د گه‌ل كه‌سوكاران. به‌لێ گونه‌ھ ئه‌وه یا ناخێ مرۆڤی یێ پێ ڕحه‌ت و ته‌نا نه‌بیت ژ تشتێن جهێ گومانێ و سینگێ مرۆڤی پێ به‌رفره‌ھ نه‌بیت، گومان و دوودلییه‌ك ژی ژ به‌ر وی تشتی د دلیدا په‌یدا ببیت، و ترسه‌ك ل ده‌ڤ مرۆڤی هه‌بیت كو ئه‌و تشت گونه‌هه و نه‌یێ دروسته، و مرۆڤی نه‌ڤێت وی تشتی ل ده‌ڤ خه‌لكێ باش و ته‌مام و نموونه بكه‌ت و بۆ وان ئاشكه‌را بكه‌ت، ژ به‌ر كو تشته‌كێ كرێته، ئه‌ڤه ژی چونكی نه‌فس ب ته‌بیعه‌تێ خۆ حه‌ز دكه‌ت خه‌لك تشتێن باش ل ده‌ڤ مرۆڤی ببینیت، له‌وا ئه‌گه‌ر نه‌ڤیا و حه‌ز نه‌كر خه‌لك هنده‌ك كارێن مرۆڤی ببینن و بزانن؛ هنگی ئه‌ڤ كاره گونه‌هه و چ خێر تێدا نینه.فوائد الحديث
هاندان ل سه‌ر ڕه‌وشتێن جوان و تازه، چونكی ڕه‌وشتێ جوان ژ مه‌زنترین خه‌سله‌تێن باشییێیه.
حه‌قی و نه‌حه‌قی ل ده‌ڤ مرۆڤێ باوه‌ردار لێك ئالۆز نابن، به‌لكی مرۆڤێ باوه‌ردار ب وێ ڕوناهییا د دلێ ویدا هه‌ی حه‌قییێ دنیاسیت و دزانیت حه‌قییه و ژ نه‌حه‌قییێ دڕه‌ڤیت و كه‌ربێن وی ژێ ڤه‌دبن.
ژ نیشانێن گونه‌هێ؛ دوودلی و تێكچوونا دلییه و نه‌ڤیانه كو خه‌لك بزانن و ب سه‌ر هه‌لبن.
سندی دبێژیت: ئه‌ڤه ده‌رباره‌ی وان تشتانه یێن جهێ گومانێ كو خه‌لك نزانیت یا دروست تێدا كیژكه، ئه‌گه‌ر نه؛ تشتێ شه‌ریعه‌تی فه‌رمان ب كرنا وی كری، ئه‌گه‌ر چ به‌لگه نه‌بن كو دژی ڤێ چه‌ندێ بن؛ ژ تشتێن باشه، و تشتێ شه‌ریعه‌تی پاشڤه‌برن ژێ كری ژ گونه‌هێیه و پێدڤی ناكه‌ت بۆ ڤێ چه‌ندێ مرۆڤ پرسیارا دلێ خۆ بكه‌ت و خۆ ژێ پشتڕاست و ته‌نا بكه‌ت.
ئه‌و كه‌سێن د فه‌رمووده‌یێدا ئاخڤتن بۆ هاتییه ئارسته‌كرن ژی خودانێن خورستییا (فیتره‌تا) ساخله‌من، نه خودانێن دلێن به‌روڤاژی یێن كو چ خێر و باشییان ب باشی نابینن و چ خرابییان ژی ب خرابی نابینن، ئه‌و نه‌بیت یا د گه‌ل حه‌زێن وان دگونجیت.
طه‌ییبی دبێژیت: هاتییه گۆتن كو په‌یڤا (البر) د فه‌رمووده‌یێدا ب چه‌ندین ڕامانان هاتییه ڕاڤه‌كرن، ڤێجا ل جهه‌كی ب وێ ڕامانێ هاتییه ڕاڤه‌كرن كو ئه‌و تشته یێ نه‌فس پێ ڕحه‌ت دبیت و دل پێ ئارام دبیت، ل جهه‌كێ دی ب باوه‌رییێ هاتییه ڕاڤه‌كرن، ل جهه‌كی ژی ب وی تشتێ ته نێزیكی خودێ دكه‌ت، ل ڤێرێ ژی ب ڕه‌وشتێ جوان هاتییه ڕاڤه‌كرن، ڕه‌وشتێ جوان و تازه ژی هاتییه ڕاڤه‌كرن بـ: خۆلبه‌رگرتن و هه‌داركێشانا ل سه‌ر نه‌خۆشییێ و كێم تووڕه‌بوونێ و ڤه‌كرنا ناڤچاڤان و گڕنژینێ و ئاخڤتنا خۆش و جوان، هه‌می ژی د ڕامانێدا نێزیكی ئێكن.