إعدادات العرض
Uwo wese yemera Imana Allah ko Ibaho akemera n'umusi w'iherezo ko ubaho, araheza avuge ivyiza canke apfume yinumira
Uwo wese yemera Imana Allah ko Ibaho akemera n'umusi w'iherezo ko ubaho, araheza avuge ivyiza canke apfume yinumira
Mu vyakiriwe na Abu Hurayra (Imana Allah Imwishimire) ku Ntumwa y'Imana (nyakugira amahoro n'impuhwe z'Imana Allah) yavuze iti: "Uwo wese yemera Imana Allah ko Ibaho akemera n'umusi w'iherezo ko ubaho, araheza avuge ivyiza canke apfume yinumira; kandi n'uwo wese yemera Imana Allah ko Ibaho, akemera n'umusi w'iherezo ko ubaho, araheza yubahe yubahirize umubanyi wiwe; n'uwo wese kandi yemera Imana Allah ko Ibaho, akemera n'umusi w'iherezo ko ubaho, araheza azimane umushitsi wiwe".
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Hausa Português മലയാളം తెలుగు Kiswahili မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands සිංහල தமிழ் دری Fulfulde Magyar ಕನ್ನಡ Кыргызча Lietuvių or Română Kinyarwanda Српски O‘zbek Moore नेपाली Wolof Soomaali Български Українська Azərbaycan ქართული тоҷикӣ Bambara Македонски Ελληνικά ភាសាខ្មែរ አማርኛ Malagasy Oromoo Akan ไทย मराठी ਪੰਜਾਬੀ Lingala Italiano msالشرح
Umuvugishwamana (nyakugira amahoro n'impuhwe z'Imana Allah) yaratomoye ko umuja yemera vy'ukuri Imana Allah ko Ibaho, akemera n'umusi w'iherezo ko ubaho akazosubizwa ku Mana Allah Yamuremye, maze agahemberwa ivyo yakoze, ukwemera kwiwe gutuma akora ibi bintu: Ica mbere: Ukuvuga ijambo ryiza, mu gutazira no kuninahaza Imana Allah, ukwemanga ko Imana Allah ari Imwe Rudende, ukubwiriza ibikorwa vyiza, ukubuza ibikorwa bibi, hamwe rero n'ukunywanisha abatase mu bantu. Mu gihe rero atoshobora gukora ivyo bidondaguwe, asabwa kwinumira maze akareka kugira uwo abangamiye n'akarimi kiwe, agaheza akagacungera. Ica kabiri: Ukwubaha n'ukwubahiriza umubanyi, mu kumugirira ubugwaneza no kutamubangamira. Ica gatatu: Ukuzimana umushitsi akugendeye, mu kumuganiriza amajambo meza n'ukumufungurira, n'ibindi nk'ivyo.فوائد الحديث
Ukwemera Imana Allah ko Ibaho, n'ukwemera umusi w'iherezo ko ubaho, ni wo mushinge w'ivyiza vyose, bituma umuntu yitwararika gukora ivyiza.
Ukwihaniza umuntu kugwa mu vyaha bikorwa n'ururimi.
Idini ry'ubwislamu, ni idini rihimiriza abantu kumenyerana mu kwubahana mu bugwaneza.
Ibi bintu bidondaguwe ng'aho hejuru, biri mu mice y'ukwemera bikaba no mu rupfasoni rushimwa, ruhimbaye.
Ukuvugagizwa kurashobora gukwegera umuntu mu bibi no mu bizira; ukubaho mu mahoro rero, ni ukwirinda kuvuga kiretse mu gihe ibivugwa ari ivyiza.