الشرح

ਬੁਰੀ ਗੱਲ ਕਹਿਣਾ ਅਤੇ ਬੁਰਾ ਕੰਮ ਕਰਨਾ ਅੱਲਾਹ ਦੇ ਨਬੀ ﷺ ਦੇ ਅਖਲਾਕ (ਆਚਰਣ) ਦਾ ਹਿੱਸਾ ਨਹੀਂ ਸੀ। ਨਾ ਆਪ ﷺ ਕਿਸੇ ਬਦਸਲੂਕੀ ਵਾਲੀ ਗੱਲ ਦੀ ਨੀਅਤ ਰੱਖਦੇ ਸੀ ਅਤੇ ਨਾ ਹੀ ਉਸਦੀ ਕੋਸ਼ਿਸ਼ ਕਰਦੇ ਸੀ। ਆਪ ﷺ ਮਹਾਨ ਤੇ ਉੱਚੇ ਅਖਲਾਕ ਵਾਲੇ ਵਿਅਕਤੀ ਸੀ। ਆਪ ﷺ ਫਰਮਾਇਆ ਕਰਦੇ ਸੀ: ਅੱਲਾਹ ਦੀ ਨਜ਼ਰ ਵਿੱਚ ਤੁਹਾਡੇ ਵਿੱਚੋਂ ਸਭ ਤੋਂ ਵਧੀਆ ਉਹ ਹੈ ਜੋ ਅਖਲਾਕ ਵਿੱਚ ਸਭ ਤੋਂ ਵਧੀਆ ਹੋਵੇ। ਭਾਵ ਦੂਜੇ ਲੋਕਾਂ ਦਾ ਭਲਾ ਕਰਦਾ ਹੋਵੇ, ਹੱਸ ਕੇ ਮਿਲਦਾ ਹੋਵੇ, ਕਿਸੇ ਨੂੰ ਨੁਕਸਾਨ ਨਾ ਪਹੁੰਚਾਉਂਦਾ ਹੋਵੇ ਤੇ ਜੇ ਕੋਈ ਨੁਕਸਾਨ ਪਹੁੰਚਾਉਂਦਾ ਹੋਵੇ ਤਾਂ ਉਸਨੂੰ ਬਰਦਾਸ਼ਤ ਕਰਦਾ ਹੋਵੇ ਅਤੇ ਲੋਕਾਂ ਨਾਲ ਮੇਲ-ਜੋਲ ਰੱਖਦਾ ਹੋਵੇ।