إعدادات العرض
मुस्लिम त्यो हो जसको जिब्रो र हातबाट मुस्लिमहरू सुरक्षित छन् र मुहाजिर त्यो हो जसले अल्लाहले निषेध गर्नुभएको…
मुस्लिम त्यो हो जसको जिब्रो र हातबाट मुस्लिमहरू सुरक्षित छन् र मुहाजिर त्यो हो जसले अल्लाहले निषेध गर्नुभएको कुरालाई त्याग्छ ।
अब्दुल्लाह बिन अम्र (रजियल्लाहु अन्हुमा) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ : "मुस्लिम त्यो हो जसको जिब्रो र हातबाट मुस्लिमहरू सुरक्षित छन् र मुहाजिर त्यो हो जसले अल्लाहले निषेध गर्नुभएको कुरालाई त्याग्छ ।"
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt Hausa Kurdî Português සිංහල Svenska ગુજરાતી አማርኛ Yorùbá ئۇيغۇرچە Kiswahili پښتو অসমীয়া دری Malagasy or Čeština Oromoo Română Nederlands Soomaali తెలుగు ไทย Српски മലയാളംالشرح
नबी (सल्लल्लाहु अलैहि वसल्लम) ले भन्नुभयो, पूर्ण मुस्लिम त्यो हो जसको जिब्रोले मुस्लिमहरू सुरक्षित रहन्छन् । तसर्थ, उसले नत उनीहरूलाई गाली गर्छ, नत श्राप दिन्छ, नत गीबत (बुराइ) गर्छ र नत उनीहरूलाई अन्य कुनै पनि तरिकाले मौखिक यातना दिन्छ । त्यसैगरी मुस्लिमहरू उनको हातबाट सुरक्षित रहनुपर्छ । उसले उनीहरूलाई दमन गर्नु हुँदैन, तिनीहरूको पैसा गैरकानूनी रूपमा लिनु हुँदैन र त्यस्तो अरू कुनै काम गर्नु हुँदैन । वास्तविक मुहाजिर त्यो हो जसले अल्लाहले निषेध गर्नुभएको कुरालाई त्याग्छ ।فوائد الحديث
पूर्ण इस्लाम भनेको अरुलाई दु:ख र पीडा नदिने हो, चाहे त्यो पीडा भौतिक होस् वा मानसिक ।
जिब्रो र हातलाई विशेष रूपमा उल्लेख गरिएको छ; किनभने मानिसले धेरैजसो गल्ती र हानिहरू यी दुई अंगले गर्छन् । वास्तवमा, धेरैजसो खराबीहरू ती दुवैबाट उत्पन्न हुन्छन् ।
पाप त्याग्न र अल्लाहको आदेश पालन गर्न प्रोत्साहन ।
सर्वश्रेष्ठ मुस्लिमहरू ती हुन् जसले अल्लाहको अधिकार र मुस्लिमहरूको अधिकार पूरा गर्छन् ।
क्रूरता कहिले मौखिक र कहिले व्यावहारिक हुन्छ ।
पूर्ण हिज्रत (पलायन) भनेको अल्लाहले निषेध गर्नुभएको कुरालाई त्याग्नु हो ।