إعدادات العرض
((ته‌قوا خودێ بكه ل هه‌ر جهێ تو لێ بی، پشتی هه‌ر گونه‌هه‌كێ ژی خێره‌كێ بكه، ئه‌و خێر دێ وێ گونه‌هێ ژێبه‌ت و ب ڕه‌وشته‌كێ جوان سه‌ره‌ده‌رییێ د گه‌ل خه‌لكی…
((ته‌قوا خودێ بكه ل هه‌ر جهێ تو لێ بی، پشتی هه‌ر گونه‌هه‌كێ ژی خێره‌كێ بكه، ئه‌و خێر دێ وێ گونه‌هێ ژێبه‌ت و ب ڕه‌وشته‌كێ جوان سه‌ره‌ده‌رییێ د گه‌ل خه‌لكی بكه))
ژ ئه‌بو زه‌ڕی، جوندوبێ كوڕێ جوناده‌ی و ژ ئه‌بو عه‌بدولڕه‌حمانی، موعازێ كوڕێ جه‌به‌لی (خودێ ژ هه‌ردووكان ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت: ((ته‌قوا خودێ بكه ل هه‌ر جهێ تو لێ بی، پشتی هه‌ر گونه‌هه‌كێ ژی خێره‌كێ بكه، ئه‌و خێر دێ وێ گونه‌هێ ژێبه‌ت و ب ڕه‌وشته‌كێ جوان سه‌ره‌ده‌رییێ د گه‌ل خه‌لكی بكه)).
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Hausa Kurdî Português සිංහල Македонски नेपाली دری پښتو Shqip ગુજરાતી ភាសាខ្មែរ Українська Čeština Magyar Српски ქართული ਪੰਜਾਬੀ Kiswahili Lietuvių ಕನ್ನಡ മലയാളം тоҷикӣالشرح
پێغه‌مبه‌ر (صەلات و سەلامێن خودێ ل سەر بن) فه‌رمانێ ب سێ تشتان دكه‌ت: ئێك: ته‌قوا خودێ، ئه‌ڤه ژی ب ئه‌نجامدانا وان تشتێن خودێ ل سه‌ر مرۆڤی فه‌ڕزكرین و هێلانا وان تشتێن خودێ حه‌رامكرین، ل هه‌می جھ و ده‌م و ڕه‌وشان، د نهێنی و ئاشكه‌راییێدا، د ساخله‌می و نه‌ساخی و ته‌نگاڤییێدا و ژ بلی ڤان. دوو: ئه‌گه‌ر ته گونه‌هه‌ك كر؛ پشتی وێ خێره‌كێ بكه، ژ كرنا نڤێژێ یان دانا خێر و صه‌ده‌قێ و باشیكرنێ و گه‌هاندنا په‌یوه‌ندییێن مرۆڤاینییێ و ته‌وبه‌كرنێ و ژ بلی ڤان، چونكی ئه‌ڤ خێره دێ وێ گونه‌هێ ژێبه‌ت. سێ: ب ڕه‌وشته‌كێ جوان و تازه سه‌ره‌ده‌رییێ د گه‌ل خه‌لكی بكه، ژ ده‌ڤ گڕنژینێ ب ڕویێ وان و نه‌رمینی و كرنا باشییێ و ده‌ستگرتنێ ژ خرابی و ئه‌زیه‌تدانێ.فوائد الحديث
قه‌نجی و باشییا خودایێ مه‌زن ل سه‌ر عه‌بدێن وی ژ به‌ر دلۆڤانییا وی د گه‌ل وان و ژێبرنا گونه‌هێن وان و لێبوورینا ل وان.
فه‌رمووده‌یێ هه‌ر سێ ماف ب خۆڤه گرتن: مافێ خودێ كو ئه‌و ژی ب ته‌قوایا خودێیه، مافێ نه‌فسێ كو ئه‌و ژی ب كرنا خێرانه پشتی گونه‌هان و مافێ خه‌لكی كو ئه‌و ژی ب سه‌ره‌ده‌ریكرنا د گه‌ل وانه ب ڕه‌وشتێ جوان و تازه.
هاندان و لبه‌رشرینكرنا كرنا خێران پشتی گونه‌هان و ژ سالۆخه‌ت و خه‌سله‌تێن ته‌قوایێ هه‌مییان به‌حسێ ڕه‌وشتێ جوان هاته كرن، ئه‌ڤه ژی چونكی ئه‌و بابه‌ته‌كه پێدڤی ب دیاركرن و ڕۆهنكرنێ هه‌یه.