الشرح

गाउँमा बस्ने एक जनाले रसूल (सल्लल्लाहु अलैहि वसल्लम) लाई केही जिक्रहरू सिकाउन आग्रह गरे । रसूल (सल्लल्लाहु अलैहि वसल्लम) ले भन्नुभयो : भन : "ला इलाह इल्लल्लाहु वह्-दहू ला शरीक लहु ।" उहाँले तौहीद (एकेश्वरवाद) बाट सुरु गर्नुभयो र यसको अर्थ भनेको अल्लाह बाहेक कोही सत्य पूज्य छैन । "अल्लाहु-अक्बर कबीरा" अर्थ : अल्लाह सबै भन्दा महान र ठूलो हुनुहुन्छ । "वल्हम्दु-लिल्लाहि कसीरा" अर्थ : अल्लाहप्रति उहाँका गुणहरू, कार्यहरू र अनगिन्ती आशीर्वादहरूका लागि धेरै प्रशंसाहरू छन् । "सुब्हानल्लाहि रब्बिल-आलमीन्" अर्थ : उहाँ हरेक कमीकमजोरीबाट पवित्र हुनुहुन्छ । "ला हौल वला कुव्वत इल्ला बिल्लाहिल-अजीजिल-हकीम" अर्थ : अल्लाहको सहयोग र तौफीक बिना एक अवस्थाबाट अर्को अवस्थामा जाने शक्ति छैन । उसले भन्यो: यी शब्दहरू मेरा रबको स्तुति र महिमा गर्नका लागि हुन्, अनि म आफ्नो लागि के प्रार्थना गरुँ? रसूल (सल्लल्लाहु अलैहि वसल्लम) ले भन्नुभयो : भन : "'अल्लाहुम्मग्-फिर्ली" हे अल्लाह मेरो पापलाई मेटाएर र त्यसलाई ढाकेर मलाई माफ गर्नुहोस् । "वर्-हम्नी" मलाई धार्मिक र सांसारिक लाभहरू प्रदान गरेर ममाथि दया गर्नुहोस् । "वह्दिनी" राम्रो अवस्था र सीधा मार्गमा मलाई मार्गदर्शन गर्नुहोस् । "वर्जुक्नी" मलाई वैध धन, सुस्वास्थ्य र सबै भलाइ प्रदान गर्नुहोस् ।