الشرح

Yónente bi -yal na ko Yàlla dolli xéewal ak mucc- day xibaare ne ku wax ba noppi seede ci làmmiñam ne «laa ilaaha illal laahu», maanaam amul kenn ku ñu war a jaamu ci dëgg ku dul Yàlla, daal di weddi lépp lu ñuy jaamu te du Yàlla, set wicc ci bépp diine bu dul Lislaam, kon alalam ak dereetam araam na ci jullit ñi, dara ñeelu ñu lu dul li feeñ ci jëfam, kon deesul jël alalam deesul tuur it dereetam, lu dul bu defee ñaawtéef, walla tooñànge bu koy waral ci àtteb Lislaam. Yàlla mooy méngoo regle ga ëllëg bis-pénc, bu dee ku dëggal la mu fay ko yiw, bu dee naaféq la mu mbugal ko.