إعدادات العرض

إخفاء الهيدر

إخفاء الفوتر

الوضع الليلي

Wéetal Yàlla ci jaamu ko

Wéetal Yàlla ci jaamu ko

1- yal na Yàlla rëbb Yahuut yi ak Nasaraan yi, ñoom kat dañoo jàppe séen bàmmeeli Yónente yi ay jàkka

2- ñiy bokk ñépp maa ci gën a doylu, képp ku jëf jenn jëf bokkaale ma ca ak keneen ma bàyyi ko ak bokkaaleem

3- seedeel naa Yàlla ne set naa wicc ci kenn ci yéen di nekk sama xarit, ndax Yàlla da maa jàpp xarit, niki mu jàppe Ibraahiima xarit

4- buleen ma jay kem ni Nasaraan yi jaye woon doomu Maryama; man daal ab jaamam laa, kon deeleen wax: jaamub Yàlla ak ndawam

5- nit ki gën a texe ci samag rammu ëllëg bis-penc, mooy ki wax, Laa ilaaha illal Laahu, te mu sell lool ci xolam, walla ci bakkanam

6- ñiy taral alku nañu

7- ndax du ma la yabal ca la ma Yónente Yàlla bi -yal na ko Yàlla dolli xéewal ak mucc- yabaloon? Bul bàyyi benn xërëm lu dul ne toj nga ko, mbaa benn bàmmeel bu ñu màggal lu dul ne maasale nga ko

8- bumu bàyyi benn caq walla bantu fett ci doqug genn giléem lu dul ne dàgg na ko

9- ku wax ne: laaj ilaaha illallaahu, amul lenn lu ñu war a jaamu lu dul Yàlla, daal di weddi lépp lu ñuy jaamu te du Yàlla alalam ak dereetam araam na, ab regleem ma nga ca Yàlla

10- àqi Yàlla ci jaam ñi mooy ñu jaamu ko te bañ koo bokkaale ak dara, àqi jaam ñi ci Yàlla nag mooy du mbugal ku ko bokkaalewul ak dara

11- ku faatu te bokkaalewul Yàlla ak dara dana dugg àjjana, ku faatu te bokkaale ko ak dara dana dugg sawara