إعدادات العرض
ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည်…
ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည် မိမိတို့တမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများအဖြစ် သတ်မှတ်ခဲ့ကြသည်။ကိုယ်တော်မြတ်သည် မိမိ၏နောက်လိုက်သားတို့အား ၎င်း(ယဟူဒ်၊နဆွာရာ)တို့လုပ်ကြသကဲ့သို့(မလုပ်ကြရန်) သတိပေးခြိမ်းခြောက်တော်မူသည်။ ထိုသို့ဖြစ် လာမည်ကို မစိုးရိမ်ရပါက ကိုယ်တော်၏ကဗရ်အား ပေါ်လွင်ထင်ရှားစွာ ထားမည်ဖြစ်သည်။ သို့သော် ကိုယ်တော်သည် ကဗရ်အား စဂ်ျဒဟ်ဦးချရာနေရာအဖြစ် သတ်မှတ်မည်ကို စိုးရိမ်ခဲ့သည်။
အာအိရှဟ်(ရဿွိယလ္လာဟုအန်ဟာ)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်ထံတွင် ဝဖာသ်ကွယ်လွန်ချိန် ကျရောက်လာသည့်အခါ မိမိ၏ ခြုံစောင်ကို မိမိ၏ မျက်နှာတော်ပေါ် စတင်ဖုံးအုပ်တော်မူလေသည်။ ထို့နောက်ကိုယ်တော်မြတ်သည် ၎င်းခြုံစောင်ကြောင့် မွန်းကျပ်လားသည့်အခါ မိမိ၏ မျက်နှာတော်မှ ၎င်းခြုံစောင်ကို ဖယ်ရှားလိုက်၏။ ထိုအခြေနေမျိုး၌ မိန့်ကြားတော်မူသည်။ ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည် မိမိတို့တမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများအဖြစ် သတ်မှတ်ခဲ့ကြသည်။ ကိုယ်တော်မြတ်သည် မိမိ၏နောက်လိုက်သားတို့အား ၎င်း(ယဟူဒ်၊နဆွာရာ)တို့လုပ်ကြသကဲ့သို့(မလုပ်ကြရန်) သတိပေးခြိမ်းခြောက်တော်မူသည်။ ထိုသို့ ဖြစ်လာမည်ကို မစိုးရိမ်ရပါက ကိုယ်တော်၏ကဗရ်အား ပေါ်လွင်ထင်ရှားစွာ ထားမည်ဖြစ်သည်။ သို့သော် ကိုယ်တော်သည် ကဗရ်အား စဂ်ျဒဟ်ဦးချရာနေရာအဖြစ် သတ်မှတ်မည်ကို စိုးရိမ်ခဲ့သည်။
الترجمة
عربي Bosanski English Español فارسی Français Bahasa Indonesia Türkçe اردو 中文 हिन्दी Tagalog বাংলা Kurdî Hausa Português മലയാളം తెలుగు Kiswahili தமிழ் සිංහල Русский Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Yorùbá Nederlands ئۇيغۇرچە ไทย دری Кыргызча Lietuvių rw Soomaali नेपाली mg it orالشرح
အာအိရှဟ်(ရဿွိယလ္လာဟုအန်ဟာ)ကပြောပြသည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံ ကွယ်လွန်ချိန် ဆိုက်ရောက်လာသည့်အခါ ကိုယ်တော်သည် သေဆုံးခါနီးဝေဒနာခံစားနေရချိန်၌ အမိန့်ရှိသည်မှာ ယဟူဒီနှင့်နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်) ကရုဏာတော်မှ ကင်းဝေးမှု ကျရောက်ပါစေ။ ထိုသို့မိန့်ရခြင်းမှာ ၎င်းတို့သည် မိမိတို့နဗီတမန်တော်များ၏ ကဗရ်သင်္ချိုင်းများအပေါ်တွင် စဂျ်ဒဟ်ဦးချရာနေရာများ(ဘုရားကျောင်းများ) ဆောက်လုပ်ခဲ့ကြခြင်းကြောင့်ဖြစ်သည်။ ထို့နောက် အာအိရှဟ်(ရဿွိယလ္လာဟုအန်ဟာ)က သုံးသပ်တင်ပြသည်မှာ ကိုယ်တော်က ထိုကဲ့သို့မိန့်ကြားရခြင်းသည် ယဟူဒီနှင့်နဆွ်ရာနီတို့၌ဖြစ်ပေါ်ခဲ့သည့် ကိစ္စမျိုး မိမိ၏နောက်လိုက်သားတို့၌ ဖြစ်ပေါ်လာကာ မိမိကဗရ်ပေါ်တွင်လည်း ဦးချရာနေရာ(ဝတ်ကျောင်း) ဆောက်လုပ်ကြမည်ကို သတိပေး တားမြစ်ခြင်းဖြစ်သည်။ ထို့နောက် သူမကရှင်းပြသည် ကိုယ်တော့်အား ကိုယ်တော်မြတ်၏ အခန်းပြင်ပ၌ မြှုပ်နှံခြင်းမပြုရန် ဆွဟာဗဟ်သာဝကတို့အား တားမြစ်ခဲ့သည့် အကြောင်းရင်းမှာ ကိုယ်တော်၏ကဗရ်ကို ဦးချရာနေရာအဖြစ် သတ်မှတ်ကြမည်ကို စိုးရိမ်ခြင်းကြောင့်ဖြစ်သည်။فوائد الحديث
နဗီများနှင့် သူတော်စင်များ၏ ကဗရ်များကို စဂ်ျဒဟ်ဦးချရာနေရာအဖြစ်သတ် မှတ်ကာ ဆွလာသ်ဝတ်ပြုခြင်းကို တားမြစ်ထားသည်။ အဘယ့်ကြောင့်ဆိုသော် ၎င်းသည် ရှိရ်က်သို့ကျရောက်စေသည့် အကြောင်းခံဖြစ်သည်။
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် သောင်ဟီးဒ်တရားနှင့်ပတ်သက်၍ အလွန်အလေးအနက်ထား ဂရုစိုက်တော်မူသည်။ ထို့အတူ မိမိ၏ ကဗရ်အား ဂုဏ်ပြုခြင်းများ ပြုလုပ်လာမည်ကိုလည်း အလွန်စိုးရိမ်တော်မူသည်။ အဘယ့်ကြောင့်ဆိုသော် ၎င်းသည် ရှိရ်က်သို့ ပို့ဆောင်ပေးသောကြောင့်ဖြစ်သည်။
ယဟူဒီ၊ နဆ်ွရာနီနှင့် ၎င်းတို့လုပ်ရပ်ကဲ့သို့ ကဗရ်များပေါ်တွင် အဆောက်အဦးဆောက်၍ ဦးချရာနေရာများ အဖြစ်သတ်မှတ်သူတို့အား လအ်နသ်ပို့ခြင်းပိုင် သည်။
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)အား တမန်တော်မြတ်၏ အိမ်၌ ပင်မြုပ်နှံရခြင်းသည် (ဖိသ်နဟ်)ပြဿနာများဖြစ်ပေါ်လာမည်ကို တားဆီးရန် အ တွက် ဖြစ်ကြောင်း ရှင်းပြထားသည်။
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် လူသားတစ်ဦးဖြစ်သည့်အတွက် လူသားတွင် ဖြစ်ပေါ်သော သေခြင်းတရားနှင့် သေဆုံးခါနီး ပြင်းထန်သော ဝေဒနာခံစားရမှုတို့ ဖြစ်ပေါ်သည်။
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် မိမိအွမ္မသ်၏ (ကောင်းရာကောင်းကြောင်းကို) အလွန်စိတ်ဆန္ဒပြင်းပြတော်မူသည်။
ကာဖိရ်အားလုံးကို ခြုံငုံ၍ လအ်နသ်ပို့ခွင့်ရှိသည်။
မည်သည့် ကဗရ်သင်္ချိုင်းများပေါ်တွင်မဆို အဆောက်အဦး ဆောက်ခြင်းသည် ဟရာမ် ဖြစ်သည်။
သာသနာ့ပညာရှင်များကို အခြားသူများနှင့် ခွဲခြား၍ သိနိုင်ရန်အတွက် ၎င်းတို့၏ ကဗရ်များပေါ်တွင် အဆောက်အဦးဆောက်လုပ်ခွင့်ရှိကြောင်း တင်ပြသူတို့အားတုံ့ ပြန် ချေပထားသည်။
ကဗရ်သင်္ချိုင်းများပေါ်တွင် အဆောက်အဦးဆောက်လုပ်ခြင်းသည် ယဟူဒီ၊ နဆ်ွရာနီတို့၏ လမ်းစဉ်များအနက်မှ ဖြစ်သည်။
အာအိရှဟ်(ရဿွိယလ္လာဟုအန်ဟာ)၏ သာသနာရေးနှင့် ပတ်သက်ပြီး နားလည် တတ်ကျွမ်းမှုကိုဖော်ပြထားသည်။