فوائد الحديث

حەرامێتی ڕاگرتنی سەگ مەگەر سەگی ڕاوکردن یان مەڕوماڵات یان کشتوکاڵ نەبێت.

هەڵواسینی وێنەى ڕۆح لەبەر لە کردەوە خراپەکانە كە هۆکارە بۆ دووربوونەوەى فریشتەی ڕەحمەت لە ماڵ، وبوونی لە ماڵدا هۆکارە بۆ بێبەشبوونی ئەو ماڵە لە ڕەحمەت، بەهەمان شێوە بوونی سەگ هەروایە

ئەو فریشتانەى ناڕۆنە ماڵێك كە سەگ یان وێنەی ڕۆح لەبەری تێدا بێت ؛ فریشتەی ڕەحمەتن، ئەمە فریشتەکانى تر ناگرێتەوە وەکو: ئەو فریشتانەى مرۆڤ دەپارێزن، وئەو فریشتانەى کردەوەکان دەنووسن، وئەوانی تر كە فەرمانێكی دیاریكراویان هەیە، ولە نێویاندا فریشتەی ڕۆح كێشان (ملک الموت) ؛ ئەمانە دەچنە نێو هەموو ماڵێكەوە.

حەرامبوونی هەڵواسینی وێنەى ڕۆح لەبەر لەسەر دیوارەکان وهەر شوێنێکی تری نێو ماڵدا.

خەتابی دەڵێت: ئەو فریشتانە ناڕۆنە ماڵێك كە سەگ یان وێنەی ڕۆح لەبەری تێدا بێت ؛ ئەوانەیان دەگرێتەوە كە حەرامە ڕاگرتن وهەڵواسینیان لە سەگ و وێنەی ڕۆح لەبەرەكان، بەڵام ئەوانەی كە حەرام نین وەكو سەگی ڕاوكردن وكشتوكاڵ ومەڕوماڵات وئەو وێنانەی كە ڕێزلێنراو نین وەكو وێنەی سەر ڕاخەر وسەرین وهتد ؛ ئەمانە نابنە هۆی نەهاتنە ژوورەوەی فریشتەی ڕەحمەت.