إعدادات العرض
ئهو مللهتهكه ئهگهر عهبدهكێ باش یان زهلامهكێ باش د ناڤ واندا مربا؛ دا مزگهفتهكێ ل سهر گۆڕێ وی ئاڤا كهن
ئهو مللهتهكه ئهگهر عهبدهكێ باش یان زهلامهكێ باش د ناڤ واندا مربا؛ دا مزگهفتهكێ ل سهر گۆڕێ وی ئاڤا كهن
عائیشایا دایكا باوهرداران (خودێ ژێ ڕازی بیت) دبێژیت: ئۆم سهلهمهیێ بۆ پێغهمبهرێ خودێ (صهلات و سهلامێن خودێ ل سهر بن) بهحسێ كەنیسەیەکێ كر كو وێ یا ل ئهردێ حهبهشه دیتی، دگۆتنێ (ماریا)، ڤێجا بهحسێ وان وێنەیێن وێ تێدا دیتین بۆ وی كر، ئینا پێغهمبهرێ خودێ (صهلات و سهلامێن خودێ ل سهر بن) گۆت: (( ئهو مللهتهكه ئهگهر عهبدهكێ باش یان زهلامهكێ باش د ناڤ واندا مربا؛ دا مزگهفتهكێ ل سهر گۆڕێ وی ئاڤا كهن و دا ئهوان وێنهیان تێدا چێكهن، ب ڕاستی ئهو خرابترین چێكرینه ل دهڤ خودێ)).
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी ئۇيغۇرچە Kurdî Hausa Português മലയാളം తెలుగు Kiswahili မြန်မာ ไทย 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá සිංහල தமிழ் دری Кыргызча or Kinyarwanda नेपाली Română Lietuvių Nederlands Soomaali Српски Deutsch Українська ಕನ್ನಡ Wolof Moore ქართული Azərbaycan Magyar Македонски አማርኛ Malagasy Oromoo मराठी ਪੰਜਾਬੀ O‘zbek ភាសាខ្មែរالشرح
ئۆم سهلهمهیا دایكا باوهرداران (خودێ ژێ ڕازی بیت) بۆ پێغهمبهری (صهلات و سهلامێن خودێ ل سهر بن) بهحسێ هندێ كر كو دهمێ ئهو ل ئهردێ حهبهشهیێ بوو، وێ کەنیسەیەك دیتییه -دگۆتنێ ماریا- وێنه و نهخش و نیگار تێدا بوون؛ ڤێجا وێ ئهڤ چهنده وهك سهرسورمانهك بهحسكر! ئینا پێغهمبهری (صهلات و سهلامێن خودێ ل سهر بن) ئهگهرێ دانانا ڤان وێنهیان بۆ وێ دیار كر ڤێجا گۆت: ئهوێن تو بهحس ژێ دكهی، ههر دهمێ زهلامهكێ باش د ناڤ واندا مربا؛ دا مزگهفتهکێ ل سهر گۆڕێ وی ئاڤا كهن دا كو نڤێژێ تێدا بكهن و ئهو وێنه تێدا دكێشان و دیار كر كو ئهو كهسێ ڤی كاری بكهت؛ خرابترینێ چێكرییانه ل دهڤ خودایێ مهزن؛ چونكی كریارا وی سهردكێشیت بۆ پهیداكرنا شركێ بۆ خودایێ مهزن.فوائد الحديث
حهرامبوونا ئاڤاكرنا مزگهفتان ل سهر گۆڕان، یان نڤێژكرنا ل دهڤ وان، یان ڤهشارتنا مریان د ناڤ مزگهفتاندا؛ بۆ هندێ دا كو ڕێك ل بهر شركێ بهێته گرتن.
ئاڤاكرنا مزگهفتان ل سهر گۆڕان و دانانا وێنهیان تێدا، كریارا جوهی و فهلهیانه و ههر كهسێ ڤی كاری بكهت؛ ئهڤه ئهو وهكی وان لێ هاتییه.
حهرامبوونا دروستكرن و كێشانا وێنهیێن تشتێن خودان ڕح.
ههر كهسێ مزگهفتهكێ ل سهر گۆڕهكی ئاڤا بكهت و وێنهیان تێدا بكێشیت، ئهو ژ خرابترینێ چێكرییێن خودێیه.
پاراستنا تهمام یا شهریعهتی بۆ تهوحیدێ، ب ڕێگریكرن ژ وان ههمی ئهگهرێن بهرهڤ شركێ دچن.
ڕێگریكرن ژ زێدهگاڤیكرنێ د مرۆڤێن باشدا؛ چونكی ئهڤه ئهگهرێ كهڤتنا د ناڤ شركێدایه.