إعدادات العرض
?buleen ma jay kem ni Nasaraan yi jaye woon doomu Maryama; man daal ab jaamam laa, kon deeleen wax: jaamub Yàlla ak ndawam
?buleen ma jay kem ni Nasaraan yi jaye woon doomu Maryama; man daal ab jaamam laa, kon deeleen wax: jaamub Yàlla ak ndawam
Jële nañu ci Umar Ibnul Xattaab -yal na ko Yàlla dollee gërëm- mu wax ne : dégg naa Yónent bi -yal na ko Yàlla dolli xéewal ak mucc- mu wax ne: «buleen ma jay kem ni Nasaraan yi jaye woon doomu Maryama; man daal ab jaamam laa, kon deeleen wax: jaamub Yàlla ak ndawam».
الترجمة
عربي বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Kurdî Português മലയാളം తెలుగు Kiswahili தமிழ் සිංහල မြန်မာ Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Yorùbá Nederlands ئۇيغۇرچە Hausa ไทย دری bg ff hu it kn Кыргызча Lietuvių mg or ro rw Soomaali тоҷикӣ uz ak नेपाली mos azالشرح
Yónent bi -yal na ko Yàlla dolli xéewal ak mucc- day tere ëppal ak jéggi dayob Sariiha ci tagg ko ak di ko melal ay meloy Yàlla mu kawe mi ak i jëfam ya mu jagoo, walla ne dafa xam kumpa, walla di ko boole ak Yàlla ci ñaan, kem ni ko Nasaraan yi defe ci Iisaa doomu Maryama -yal na ko Yàlla dolli jàmm-. Topp mu leeral ne moom jaam la ci jaami Yàlla yi, mu digle ne nañuy wax ci moom ne: jaamub Yàlla la ak ndawam.فوائد الحديث
Moytandikuloo jéggi dayob Sariiha ci màggal walla tagg; ndax loolu day jëme ci bokkaale.
Li Yónente bi -yal na ko Yàlla dolli xéewël ak mucc- doon moytandikuloo de tàbbi na ci xeet wi, am kurel yu ëppal ci Yónente bi -yal na ko Yàlla dolli xéewël ak mucc-, am it kurel yu ëppal ci waa kër Yónente bi, ak kurel yu ëppal ci wàlliyu yi, ñoom ñépp tàbbi ci bokkaale.
Yónent bi -yal na ko Yàlla dolli xéewal ak mucc- dafa melal boppam ci ne jaamub Yàlla la; ngir leeral ne moom ab jaam bu Yàlla moom la, daganul ñuy jëmale ci moom dara ci lu Boroom bi jagoo.
Yónente Yàlla bi -yal na ko Yàlla dolli xéewël ak mucc- dafa melal boppam ci ne ndawu Yàlla la; ngir leeral ne moom Yàllaa ko yónni, kon ñu war koo dëggal te topp ko.