إعدادات العرض
”O ti jere ti o ba sọ ododo”
”O ti jere ti o ba sọ ododo”
Lati ọdọ Tolha ọmọ 'Ubaidullah - ki Ọlọhun yọnu si i- o sọ pe: Arákùnrin kan wa ba ojiṣẹ Ọlọhun- ki ikẹ Ọlọhun ati ọla Rẹ maa ba a- ninu awọn ara Najd, ti irun ori rẹ ri wúruwùru ti ohun rẹ n lọ sókè ti a o si gbọ́ ohun ti n sọ yé, titi ti o fi sunmọ ojiṣẹ Ọlọhun- ki ikẹ Ọlọhun ati ọla Rẹ maa ba a- ni o ba n beere nipa Isilaamu, ni ojiṣẹ Ọlọhun – ki ikẹ Ọlọhun ati ọla Rẹ maa ba a – wa sọ pé: “Irun wákàtí márùn-ún ni ojúmọ́”, o wa sọ pe: Ǹjẹ́ nǹkan míì tun jẹ dandan le mi lórí yàtọ̀ si i? O sọ pe: “Rara, àfi ti o ba fẹ ṣe aṣegbọrẹ, ati aawẹ oṣù Ramadan”, o sọ pe: Ǹjẹ́ nǹkan mii tún jẹ́ dandan fún mi yàtọ̀ sí i? O sọ pe: “Rara, afi ti o ba fẹ ṣe aṣegbọrẹ”, ojiṣẹ Ọlọhun- kí ikẹ Ọlọhun ati ọla Rẹ maa ba a- wa dárúkọ sàká fun un, o sọ pe: Njẹ omiran lẹyin wọn jẹ dandan fun mi? O sọ pe: “Rara, afi ki o ṣe aṣegbọrẹ”, o sọ pe: Ni arakunrin naa yi ẹsẹ pada, o wa n sọ pe: Mo fi Ọlọhun bura, mi ko nii lekun lori eyi, mi ko nii dinkun ninu rẹ, ni ojiṣẹ Ọlọhun- ki ikẹ Ọlọhun ati ọla Rẹ maa ba a- sọ pé: ”O ti jere ti o ba sọ ododo”.
الترجمة
العربية Bosanski English Español فارسی Français Bahasa Indonesia Русский Türkçe اردو 中文 हिन्दी Kurdî Kiswahili Português සිංහල دری অসমীয়া ไทย Tiếng Việt አማርኛ Svenska Кыргызча ગુજરાતી Hausa नेपाली Română മലയാളം Nederlands Oromoo Soomaali తెలుగు پښتوالشرح
Arakunrin kan ninu awọn ara Najd wa sọ́dọ̀ Anabi- ki ikẹ Ọlọhun ati ọla Rẹ maa ba a- ti irun rẹ ri wuruwuru, ti ohun rẹ lọ sókè, ti wọn ko gbọ nnkan ti o n sọ ye, titi o fi sunmọ Anabi- ki ikẹ Ọlọhun ati ọla Rẹ maa ba a-, ti o si beere nipa awọn ọran-anyan Isilaamu? Anabi- ki ikẹ Ọlọhun ati ọla Rẹ maa ba a- bẹ̀rẹ̀ pẹlu irun, ti o si sọ fun un pe dajudaju Ọlọhun ṣe irun marun-un ni ọran-anyan le e lori ni gbogbo ọ̀sán ati oru. O sọ pe: Njẹ nnkan kan tun jẹ dandan fun mi ninu awọn irun yàtọ̀ si awọn marun-un yii? O sọ pe: Rara, afi ti o ba ki nafila lati ṣe aṣegbọrẹ. Lẹyin naa, Anabi- ki ikẹ Ọlọhun ati ọla Rẹ maa ba a- sọ pé: Ninu nnkan ti Ọlọhun tun ṣe e ni dandan le ẹ lori ni awẹ oṣu Ramadan. O sọ pe: Njẹ nnkan kan tun jẹ dandan fun mi ninu awẹ yàtọ̀ si awẹ Ramadan? O sọ pe: Rara, afi ti o ba gba aawẹ fun aṣegbọrẹ. Lẹyin naa, Anabi- ki ikẹ Ọlọhun ati ọla Rẹ maa ba a- dárúkọ saka fun un. Arakunrin naa sọ pe: Njẹ nnkan kan tun jẹ dandan fun mi ninu awọn saara lẹyin saka ọran-anyan? O sọ pe: Rara, a fi ti o ba ṣe aṣegbọrẹ. Lẹyin igba ti arakunrin naa gbọ́ lati ọdọ Anabi- ki ikẹ Ọlọhun ati ọla Rẹ maa ba a- nipa awọn ọran-anyan yìí, o pẹyin da, o si búra pẹlu Ọlọhun- ti ọla Rẹ ga- pe oun maa dunni mọ́ ọn laisi alekun tabi adinku, ni Anabi- ki ikẹ Ọlọhun ati ọla Rẹ maa ba a- sọ lẹyin ìyẹn pé: Ti arakunrin naa ba sọ ododo lori nnkan ti o bura le lori dajudaju o maa wa ninu awọn olujere.فوائد الحديث
Rirọ Sharia ti Isilaamu ati ṣíṣe irọrun rẹ fun awọn ti a la iwọ̀ Ọlọhun bọ lọrun.
Didara ibalopọ rẹ- ki ikẹ Ọlọhun ati ọla Rẹ maa ba a- fun arakunrin yìí, o ṣe e ni irọrun fun un lati sunmọ ọn ati lati béèrè lọwọ rẹ.
Bibẹrẹ ipepe soju ọna Ọlọhun- ti ọla Rẹ ga- pẹlu eyi ti o pataki julọ lẹ́yìn náà ni o wa n kan eyi ti o ba tun pàtàkì tẹle e.
Isilaamu jẹ adisọkan ati iṣẹ, iṣẹ kan ko lee ṣe anfaani laisi igbagbọ, igbagbọ kan o si lee ṣe anfaani laisi iṣẹ.
Pataki awọn iṣẹ yii, ati pe wọn wa ninu origun Isilaamu.
Irun jimọh ti wọnu awọn irun maraarun-un ti wọn jẹ dandan; nitori pe o jẹ ijirọ fun irun Zuhr ni ọjọ jimọh fun ẹni ti o ba jẹ dandan fun.
Anabi- ki ikẹ Ọlọhun ati ọla Rẹ maa ba a- bẹ̀rẹ̀ lati kọ́ ọ ni ẹkọ pẹlu eyi ti o kanpa julọ ninu awọn ọran-anyan Isilaamu, oun ni awọn origun rẹ lẹyin ijẹrii mejeeji; nitori pe o jẹ Musulumi, ko dárúkọ hajj; nirori pe ko i tii di ọranyan ni igba naa, tabi ki àsìkò rẹ o ma i tii to.
Ọmọniyan ti o duro lori nnkan ti o jẹ dandan nikan ninu ofin dajudaju o ti jẹ olujere, ṣùgbọ́n eyi ko túmọ̀ si pe wọn ko ṣe ni sunnah fun un lati mu aṣegbọrẹ wá; nitori pe aṣegbọrẹ, ọran-anyan maa n pe tan pẹlu rẹ ni ọjọ igbedide.
التصنيفات
Ẹsin Isilaamu