الشرح

អាល់មិកហ្ទាត ពិន អាល់អាសវ៉ាត់ رضي الله عنه បានសួរណាពី ﷺ ថា ប្រសិនបើគាត់បានជួបនឹងបុរសគ្មានជំនឿម្នាក់នៅក្នុងសមរភូមិ ហើយពួកគេបានប្រយុទ្ធគ្នាដោយដាវ រហូតដល់អ្នកគ្មានជំនឿនោះបានកាត់ដៃម្ខាងរបស់គាត់ដោយផ្លែដាវ។ បន្ទាប់មក អ្នកគ្មានជំនឿរូបនោះបានរត់គេចខ្លួន និងលាក់ខ្លួនពីក្រោយដើមឈើ ហើយបានពោលថា៖ “لا إله إلا الله” (គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដក្រៅពីអល់ឡោះ)។ ក្នុងករណីនេះ តើខ្ញុំអាចសម្លាប់ជននោះបានទេ បន្ទាប់ពីគេបានកាត់ដៃខ្ញុំហើយនោះ? ណាពី ﷺ បានឆ្លើយថា៖ ចូរអ្នកកុំសម្លាប់ជននោះ។ គាត់បានសួរទៀតថា៖ ឱរ៉ស៊ូលុលឡោះ! បុរសនោះបានកាត់ដៃខ្ញុំម្ខាង តើខ្ញុំនៅតែមិនអាចសម្លាប់គេបានទៀតឬ? ពេលនោះ ណាពី ﷺ បានឆ្លើយថា៖ ចូរអ្នកកុំសម្លាប់ជននោះ ព្រោះឥឡូវនេះ ជននោះជាមនុស្សដែលឈាមរបស់គាត់ត្រូវបានគេការពារ។ ប្រសិនបើអ្នកសម្លាប់គាត់បន្ទាប់ពីគាត់ចូលអ៊ីស្លាម នោះគាត់មានស្ថានភាពដូចអ្នកដែរ គឺអាយុជីវិតរបស់គាត់ត្រូវបានការពារដោយការចូលអ៊ីស្លាមរបស់គាត់ ហើយអ្នកនឹងក្លាយជាអ្នកដែលអាយុជីវិតរបស់អ្នកត្រូវបានអនុញ្ញាត ដោយសារតែអ្នកបានសម្លាប់គាត់ ព្រោះឈាមត្រូវសងដោយឈាម(គីសស្ស)។