إعدادات العرض
ពិតប្រាកដណាស់ អ្វីដែលអ្នកនិយាយ និងអ្វីដែលអ្នកកំពុងតែអំពាវនាវទៅកាន់វា គឺពិតជាល្អណាស់។…
ពិតប្រាកដណាស់ អ្វីដែលអ្នកនិយាយ និងអ្វីដែលអ្នកកំពុងតែអំពាវនាវទៅកាន់វា គឺពិតជាល្អណាស់។ ប្រសិនបើអ្នកអាចប្រាប់ពួកយើងបានថា តើមានអ្វីដែលអាចលុបលាងទោសចំពោះអ្វីដែលយើងបានធ្វើដែរឬទេ
អំពី អ៊ិពនូអាប់ហ្ពាស رضي الله عنهما ពិតណាស់ មានមនុស្សមួយក្រុមក្នុងចំណោមពួកដែលធ្វើស្ហ៊ីរិកពួកគេធ្លាប់បានសម្លាប់មនុស្សយ៉ាងច្រើន និងធ្លាប់បានប្រព្រឹត្តអំពើហ្ស៊ីណាយ៉ាងច្រើន។ ពួកគេបានទៅជួបនឹងណាពីមូហាំម៉ាត់ ﷺ ហើយបាននិយាយថា៖ ពិតប្រាកដណាស់ អ្វីដែលអ្នកនិយាយ និងអ្វីដែលអ្នកកំពុងតែអំពាវនាវទៅកាន់វា គឺពិតជាល្អណាស់។ ប្រសិនបើអ្នកអាចប្រាប់ពួកយើងបានថា តើមានអ្វីដែលអាចលុបលាងទោសចំពោះអ្វីដែលយើងបានធ្វើដែរឬទេ។ ពេលនោះ អល់ឡោះជាម្ចាស់បានបញ្ចុះអាយ៉ាត់៖ ﴿وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ﴾ [سورة الفرقان(68)] (ហើយនិងបណ្ដាអ្នកដែលមិនបួងសួងសុំម្ចាស់ផេ្សងរួមជាមួយនឹងអល់ឡោះ ហើយពួកគេមិនសម្លាប់ជីវិតដែលអល់ឡោះបានហាមឃាត់ឡើយ លើកលែងតែមានមូលហេតុត្រឹមត្រូវ(តាមច្បាប់ សាសនាអ៊ីស្លាម)ប៉ុណ្ណោះ។ ហើយពួកគេក៏មិនធ្វើហ្ស៊ីណាដែរ) និងបានបញ្ចុះអាយ៉ាត់៖ ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ﴾ [سورة الزمر(53)] (ចូរអ្នកពោលថា៖ ឱខ្ញុំទាំងឡាយរបស់យើងដែលបានបំពានលើខ្លួនឯង! ចូរពួកអ្នកកុំអស់សង្ឃឹមចំពោះក្ដីមេត្ដាករុណារបស់អល់ឡោះឱ្យសោះ។)
الترجمة
العربية English မြန်မာ Svenska Čeština ગુજરાતી Yorùbá Nederlands اردو Bahasa Indonesia ئۇيغۇرچە বাংলা සිංහල हिन्दी Tiếng Việt Hausa తెలుగు Kiswahili پښتو অসমীয়া دری Кыргызча Lietuvių Kinyarwanda नेपाली മലയാളം Bosanski ಕನ್ನಡ Kurdî Română Shqip Soomaali Српски Wolof Moore Українська Tagalog தமிழ் Azərbaycan فارسی ქართული 中文 Magyar Português Deutsch Македонски Русский bm አማርኛ Malagasy Oromoo ไทยالشرح
មានបុរសមួយក្រុមនៃពួកពហុទេពនិយមបានទៅជួបណាពី ﷺ ដែលពួកគេធ្លាប់ជាមនុស្សដែលសម្លាប់ជីវិតអ្នកដទៃ និងប្រព្រឹត្តអំពើហ្ស៊ីណាយ៉ាងច្រើន ហើយពួកគេបាននិយាយទៅកាន់ណាពី ﷺ ថា៖ ជាការពិតណាស់ សាសនាឥស្លាមដែលអ្នកបានប្រៀនប្រដៅ និងអំពាវនាវទៅកាន់វានោះ គឺជាប្រការមួយដ៏ល្អ។ ក៏ប៉ុន្តែ តើស្ថានភាពរបស់ពួកយើងដែលធ្លាប់បានប្រព្រឹត្តនៃអំពើស្ហ៊ីរិក និងអំពើបាបធំៗជាច្រើនទៀតនោះ? តើអាចលុបលាងវាបានដែរឬទេ? ពេលនោះ គេក៏បានបញ្ចុះអាយ៉ាត់ទាំងពីរនេះ ដោយអល់ឡោះជាម្ចាស់ទ្រង់ទទួលយកនូវការសារភាពកំហុសពីមនុស្សលោក ទោះជាបាបកម្មរបស់ពួកគេមានច្រើន និងធំធេងយ៉ាងណាក៏ដោយ។ ប្រសិនបើមិនដូច្នោះទេនោះ ច្បាស់ជាពួកគេនឹងនៅតែបន្តស្ថិតនៅលើភាពគ្មានជំនឿរបស់ពួកគេ និងការបំពានរបស់ពួកគេដដែលជាមិនខាន ហើយក៏មិនចូលសាសនាឥស្លាមនោះដែរ។فوائد الحديث
ឧត្តមភាព និងភាពធំធេងនៃសាសនាឥស្លាម។ ពិតណាស់ការចូលសាសនាឥស្លាម គឺលុបបំបាត់ចោលនូវបាបកម្មដែលមានពីមុន។
ក្តីមេត្តាករុណាដ៏ទូលំទូលាយ និងការអភ័យទោសរបស់អល់ឡោះជាម្ចាស់ចំពោះខ្ញុំបម្រើរបស់ទ្រង់។
ហាមឃាត់ការធ្វើស្ហ៊ីរិកចំពោះអល់ឡោះ ការសម្លាប់ជីវិតដោយខុសច្បាប់ និងការប្រព្រឹត្តអំពើហ្ស៊ីណា ហើយព្រមានចំពោះអ្នកដែលបានប្រព្រឹត្តបាបកម្មទាំងនេះ។
ការសារភាពកំហុស(តាវហ្ពាត់)ដ៏ពិតប្រាកដចំពោះអល់ឡោះ ដែលអមដោយភាពជ្រះថ្លា និងការសាងទង្វើកុសល នឹងលុបលាងនូវបាបកម្មធំៗទាំងអស់ រួមទាំងអំពើបាបដែលធ្លាប់គ្មានជំនឿលើអល់ឡោះ។
ហាមឃាត់ការអស់សង្ឃឹមចំពោះក្តីមេត្តាករុណារបស់អល់ឡោះជាម្ចាស់។